Mose I, 31:5 - BAIBLO ALOO NGMAMI KLƆUKLƆU Ɔ

⁵ E de mɛ ke, “I na kaa nyɛ tsɛ tsɔ we e hɛ mi ha we mi hu kaa sa a; se tsaatsɛ e Mawu ɔ kɛ mi ngɛ.

Mose I, 31:5 ပူးပေါင်းရင်းမြစ်များ

Mose I, 48:15

Kɛkɛ nɛ e gbaa Yosef, nɛ e de ke, “Mawu ɔ nɛ ye nɛ̃ Abraham kɛ tsaatsɛ Isak sɔmɔ lɛ ɔ, e gbaa nyumuwi nɛ ɔmɛ! Mawu ɔ nɛ hyɛ mi kɛ ba si mwɔnɛ ligbi nɛ ɔ, e gbaa nyumuwi nɛ ɔmɛ!

Mose I, 31:53

Abraham kɛ Nahor a Mawu ɔ nɛ ji a tsɛ ɔ Mawu ɔ maa kojo imi kɛ mo wa kpɛti.” Kɛkɛ nɛ Yakob ngɔ Mawu nɛ e tsɛ Isak jaa lɛ ɔ biɛ kɛ ka kita kaa e maa ye si womi nɛ ɔ nɔ.

Mose I, 31:42

Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”

Mose I, 50:17

e ke wa de mo ke, ‘I kpa mo pɛɛ nɛ o kɛ o nyɛmimɛ ɔmɛ a yayami nɛ a pee mo ɔ ngɔ pa mɛ.’ Lɔ ɔ he ɔ, wa kpa mo pɛɛ nɛ o ngɔ wa yayami ɔ ngɔ pa wɔ; ejakaa wɔ hu o tsɛmɛ a Mawu ɔ lɛ wa jaa.” Benɛ a ya bɔ Yosef amaniɛ nɛ ɔ, e wo ya.

Mose I, 32:9

Kɛkɛ nɛ Yakob fa kue ha Mawu ke, “Mawu lee! Nɛnɛ Abraham Mawu, kɛ tsaatsɛ Isak Mawu! Yawɛ, mo lɛ o de mi ke ma kpale ye se kɛ ba ye zugba nɔ, ngɛ ye weku li a ngɔ, nɛ o maa pee mi saminya.

Mose I, 31:13

Imi ji Mawu ɔ nɛ je e he kpo ngɔ tsɔɔ mo ngɛ Betel ɔ nɛ. Lejɛ ɔ o pɔ tɛ ko nu ngɛ; lejɛ ɔ nɔuu lɛ o ka mi kita ngɛ. Lɔ ɔ he ɔ, dla nɛ o kpale o se esɔ kɛ ya zugba a nɔ he nɛ a fɔ mo ngɛ ɔ.’ ”

Mose I, 21:22

Jamɛ a be ɔ mi ɔ, Abimelek kɛ e tatsɛ Fikol ba Abraham ngɔ. Abimelek de Abraham ke, “Nɔ́ tsuaa nɔ́ nɛ o ngɛ pee ɔ, Mawu piɛɔ o he.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose I, 31:4

Yakob tsɔ ya de Rahel kɛ Lea ke a kɛ lɛ ba kpe ngɛ nga a nɔ, he nɛ e to ɔmɛ ngɛ ɔ.

Mose I, 31:29

Jinɛ i ngɛ he wami nɛ ma nyɛ pee mo yayami, se hiɛ nyɔ mi ɔ, o tsɛmɛ a Mawu ɔ bɔ mi kɔkɔ ke i kɛ mo ko tu munyu yaya ko.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”