Mose I, 31:41 - BAIBLO ALOO NGMAMI KLƆUKLƆU Ɔ

⁴¹ Kikɛ nɛ ɔ i pee nɛ i kɛ ye jeha nyingmi enyɔ sɔuu ngɛ o ngɔ. I tsu ní jeha nyɔngma kɛ eywiɛ, nɛ i kɛ ngɔ o biyi enyɔ ɔmɛ. Jehanɛ, i hyɛ o to ɔmɛ jeha ekpa, se kɛ̃ o tsake ye hiɔwo ɔ si nyɔngma.

Mose I, 31:41 ပူးပေါင်းရင်းမြစ်များ

Mose I, 31:7

Nyɛ tsɛ sisi mi, nɛ e tsake ye hiɔwo ɔ si nyɔngma. Se Mawu ngmɛ́ lɛ blɔ nɛ e pee mi yayami ko.

2 Korintobi 11:26

I hia blɔ kpitikpiti. I na amanehlu babauu ngɛ pa hɛ mi, kɛ ojo fiali a dɛ mi; i na nɔ́ ngɛ imi nitsɛ ye weku li a dɛ mi; i na nɔ́ ngɛ ma je li a dɛ mi. I na nɔ́ ngɛ ma mi, kɛ nga nɔ. I na nɔ́ ngɛ wo hɛ mi, kɛ nyɛmimɛ lakpatsɛmɛ a dɛ mi.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

Mose I, 31:38

Jeha nyingmi enyɔ sɔuu ji nɛ ɔ nɛ i kɛ mo hi si. O jijɔ yi ɔmɛ, kɛ apletsi yi ɔmɛ eko mi mi sane we hyɛ; o we agbosu ko hu i yi hyɛ.

Mose I, 27:44

Yaa hi e ngɔ bɔɔ kɛ yaa si o nyɛmi ɔ mi mi fumi ɔ nya maa ba si,

Mose I, 29:15

Pee se ɔ, Laban de Yakob ke, “E ngɛ mi kaa o weku no ji mi lɛɛ, se e sɛ kaa o tsuɔ ní kɛ haa mi yaka. Tsɔɔ mi hiɔwo nɛ o ngɛ hlae.”

Mose I, 30:28

Tsɔɔ mi bɔ nɛ o ma he, konɛ ma wo mo hiɔ.”

Mose I, 31:40

Latsa tsaa mi piani, nɛ fĩɛ yee mi nyɔ mi; nɛ be komɛ ɔ, mahe jee ye hɛ mi.

Mose I, 32:4

E fa mɛ ke a ya de Esau ke, “Ye nyɔmtsɛ, imi o tsɔlɔ Yakob ɔ, i ngɛ hae nɛ o le kaa i ya to Laban nubwɔ, nɛ i kɛ lɛ hi si be babauu kɛ ba si amlɔ nɛ ɔ.

Mose I, 31:6

Nyɛ tsuo nyɛ le kaa i tsu ní ha nyɛ tsɛ kɛ ye he wami tsuo.