Mose I, 31:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ Yawɛ de Yakob ke, “Kpale o se kɛ ho o weku li a ngɔ ya, ngɛ o tsɛmɛ a zugba a nɔ. I kɛ mo maa hi si.”

Mose I, 31:3 ပူးပေါင်းရင်းမြစ်များ

Mose I, 28:15

I kɛ mo maa hi si. He tsuaa he nɛ o yaa a, ma bu o he, nɛ ma kpale mo kɛ ba zugba nɛ ɔ nɔ ekohu. I be o he jee; ma pee níhi nɛ i wo mo a he si ɔ ha mo kokooko.”

Mose I, 32:9

Kɛkɛ nɛ Yakob fa kue ha Mawu ke, “Mawu lee! Nɛnɛ Abraham Mawu, kɛ tsaatsɛ Isak Mawu! Yawɛ, mo lɛ o de mi ke ma kpale ye se kɛ ba ye zugba nɔ, ngɛ ye weku li a ngɔ, nɛ o maa pee mi saminya.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Mose I, 31:13

Imi ji Mawu ɔ nɛ je e he kpo ngɔ tsɔɔ mo ngɛ Betel ɔ nɛ. Lejɛ ɔ o pɔ tɛ ko nu ngɛ; lejɛ ɔ nɔuu lɛ o ka mi kita ngɛ. Lɔ ɔ he ɔ, dla nɛ o kpale o se esɔ kɛ ya zugba a nɔ he nɛ a fɔ mo ngɛ ɔ.’ ”

Mose I, 21:22

Jamɛ a be ɔ mi ɔ, Abimelek kɛ e tatsɛ Fikol ba Abraham ngɔ. Abimelek de Abraham ke, “Nɔ́ tsuaa nɔ́ nɛ o ngɛ pee ɔ, Mawu piɛɔ o he.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

Mose I, 35:1

Mawu de Yakob ke, “Yaa Betel esɔ, nɛ o ya hi lejɛ ɔ. Yaa ma bɔ sami la tɛ ngɛ lejɛ ɔ ha imi, Mawu ɔ nɛ i je ye he kpo ngɔ tsɔɔ mo, benɛ o tu o nyɛmi Esau nya fo ɔ.”

Mose I, 30:25

Benɛ a fɔ Yosef se ɔ, Yakob de Laban ke, “Wo mi blɔ konɛ ma kpale kɛ ho ye je he, kɛ ye zugba nɔ ya.

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 13:15

Zugba a nɛ o ngɛ hyɛe ɔ, ma ngɔ lɛ tsuo kɛ ha mo, kɛ o nina, nɛ e maa pee nyɛ nɔ kɛ maa ya neneene.

La 90:15

Bɔ nɛ o ha nɛ wa na amanehlu wawɛɛ jeha komɛ nɛ be ɔ, ha nɛ wa na bua jɔmi, nɛ wa nya ja nɔuu ngɛ be nɛ wa ngɛ mi nɛ ɔ mi.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose I, 31:2

Jehanɛ, Yakob yɔse kaa Laban tsɔ we e hɛ mi ha we lɛ hu kaa sa a.

Mose I, 31:4

Yakob tsɔ ya de Rahel kɛ Lea ke a kɛ lɛ ba kpe ngɛ nga a nɔ, he nɛ e to ɔmɛ ngɛ ɔ.

Mose I, 35:3

Wa ngɛ hiɛ ɔ jee kɛ yaa Betel. Ma ma bɔ sami la tɛ ngɛ lejɛ ɔ ha Mawu ɔ nɛ piɛ ye he ngɛ ye amanehlu be ɔ mi, nɛ e kɛ mi ngɛ kɛ ba si mwɔnɛ nɛ ɔ.”

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose I, 32:5

I ngɛ na, teji, to, kɛ nyɔguɛhi nyumuhi kɛ yihi. Ye nyɔmtsɛ, i tsɔ tsɔli nɛ ɔmɛ nɛ a ba ha nɛ o le kaa i ma we; i heɔ yeɔ kaa o ma he mi atuu.”

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.