Mose I, 30:32 - BAIBLO ALOO NGMAMI KLƆUKLƆU Ɔ

³² Ngmɛɛ mi blɔ nɛ ma ya kpa o to ɔmɛ tsuo a mi mwɔnɛ ɔ, nɛ ma ngɔ jijɔ yumu tsuaa jijɔ yumu, kɛ apletsi bi tsuaa apletsi bi nɛ e he ngɛ huatahuata, loo a tsɔɔtsɔɔ e he. Hiɔwo pɛ nɛ i ngɛ hlae ji nɛ ɔ nɛ.

Mose I, 30:32 ပူးပေါင်းရင်းမြစ်များ

Mose I, 31:8

Be tsuaa be nɛ Laban ma de ke, ‘A kɛ lohwehi kɛ a he huatahuata maa wo mo hiɔ’ ɔ, kɛkɛ jijɔ ɔmɛ tsuo fɔ bimɛ kɛ a he huatahuata.

Mose I, 31:10

“Benɛ e su be nɛ lohwe ɔmɛ kɛ a he naa bɔmi ɔ, i nla nɛ akpakpo ɔmɛ nɛ ngɛ yi ɔmɛ kuɔe ɔ ekomɛ a he ngmaangmaa, ekomɛ a he ngɛ huatahuata, nɛ ekomɛ a he tsɔɔtsɔɔ mi.

Mose I, 30:35

Se jamɛ a nyɔ ɔ mi ɔ, Laban je akpakpohi nɛ a ngmaangmaa a he ɔ, kɛ ní nɛmɛ nɛ a tsɔɔtsɔɔ a he ɔ, kɛ apletsi yihi tsuo nɛ a he ngɛ huatahuata, loo a tsɔɔtsɔɔ a he, loo a wo a he so futaa a kɛ je to tsu ɔ mi. Jijɔ yumu ɔmɛ hu e je mɛ tsuo kulaa kɛ je lejɛ ɔ. Laban kɛ lohwe ɔmɛ wo e binyumu ɔmɛ a dɛ mi,

Mose I, 30:31

Laban bi lɛ ke, “Nyɛmɛ ma ha mo?” Yakob he nɔ ke, “I hla we hiɔwo ko. Ke o maa pee nɔ́ nɛ ma bi mo nɛ ɔ ha mi ɔ, lɛɛ ma tsa nɔ ma hyɛ o to ɔmɛ ha mo.

Mose I, 30:33

Pee se, ke o ma ye hiɔwo ɔ bumi ɔ, o maa na kaa i ye mo anɔkuale, loo i sisi mo. Ke o ba na akpakpo ko nɛ e he be huatahuata nɛ a tsɔɔtsɔɔ we e he hulɔ, aloo jijɔ ko nɛ yu we ɔ, lɛɛ o le kaa imi nɛ i ju lɛ.”