Mose I, 30:14 - BAIBLO ALOO NGMAMI KLƆUKLƆU Ɔ

¹⁴ Ligbi ko, benɛ a ngɛ ngma kpae ɔ, Ruben ya na suɔmi tso yiblii komɛ ngɛ nga a nɔ, nɛ e ngɔ kɛ ba ha e nyɛ Lea. Rahel de Lea ke, “I kpa mo pɛɛ, ha mi suɔmi tso yiblii nɛ o bi ɔ kɛ ba a eko.”

Mose I, 30:14 ပူးပေါင်းရင်းမြစ်များ

Lahi 7:13

O maa nu wai tso yiblii he via ngɛ lejɛ ɔ. Tso yiblii kpakpa amɛ tsuo pueɔ si ngɛ wa sinya a nya: tso yiblii ehehi, kɛ momohi. Ye suɔlɔ, níhi nɛ a bua nya kɛ to mo ji nɛ ɔmɛ nɛ.

Mose I, 25:30

E de Yakob ke, “Hwɔ ngɛ mi yee! Ha mi kikɛmɛ a nɔ́ tsutsu nɛ ɔ eko ma ye.” Enɛ ɔ he je nɛ a wo lɛ biɛ ke Edom ɔ nɛ.

Mose I, 30:15

Lea he nɔ ke, “Nɛ o kpɔ ye huno ɔ ngɛ ye dɛ ɔ, lɔ ɔ pi ha mo lolo? Ye bi ɔ suɔmi tso yiblii nɛ ɔ hu o ma kpɔ lo?” Rahel de lɛ ke, “Ha mi o bi ɔ suɔmi tso yiblii ɔ, konɛ Yakob kɛ mo nɛ hwɔ nyɔ nɛ ɔ mi.”

Mose I, 30:16

Gbɔkuɛ nya si benɛ Yakob je ngmɔ mi kɛ ma a, Lea je kpo ya kpee lɛ, nɛ e de lɛ ke, “Ma hwɔ o ngɔ mwɔnɛ ɔ, ejakaa i kɛ suɔmi tso yiblii ɔ nɛ ye bi ɔ kɛ ba a wo he hiɔ.” Lɔ ɔ he ɔ, Yakob kɛ lɛ na bɔmi jamɛ a nyɔ ɔ mi.