Mose I, 30:1 - BAIBLO ALOO NGMAMI KLƆUKLƆU Ɔ

¹ Benɛ Rahel na kaa e fɔ we ha Yakob ɔ, e hɛ kɔ̃ e nyɛmiyo ɔ nɔ, nɛ e de Yakob ke, “Ha mi bimɛ, ke pi ja a, ma gbo.”

Mose I, 30:1 ပူးပေါင်းရင်းမြစ်များ

Mose I, 29:31

Benɛ Yawɛ na kaa Yakob sume Lea kaa bɔ nɛ e suɔ Rahel ɔ, e ha Lea fɔ bimɛ; se Rahel pee yosa.

Mose I, 37:11

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.

Matsɛmɛ I, 19:4

Se lɛ nitsɛ lɛɛ e nyɛɛ ligbi mluku kake kɛ ya nga a nɔ, nɛ e ya hi si ngɛ tso ko sisi, nɛ e ná nɛ e gbo. E sɔle ke, “Yawɛ, e hiɛ; moo gbe mi jehanɛ. E hi kaa ma gbo mohu; ejakaa ye nɛmɛ nɛ sɛ hlami ɔ, i hí pi mɛ.”

Hiob 13:19

Mɛnɔ lɛ ma ye nya pomi ɔ? Mo Mawu lo? Ke ja a, lɛɛ ma pee dii nɛ ma gbo mohu.

Hiob 3:11

Mɛni he je i gbo we ngɛ maa mi mi? Mɛni he je i gbo we be nɛ a fɔ mi ɔ pɛ?

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

La 106:16

Ngɛ nga a nɔ ɔ, ni ɔmɛ a hɛ kɔ̃ Mose nɔ, kɛ jehanɛ Aaron, Yawɛ tsɔlɔ klɔuklɔu ɔ.

Abɛ Womi 14:30

Tue mi jɔmi haa nɛ nɔmlɔ tso ɔ naa he wami, se kuasia jemi woɔ nɔ hiɔ.

Abɛ Womi 30:16

Ni gbogboehi a je, yo nɛ be bi, zugba nɛ hiɔmi nɛ́ ngɛ nɔ, kɛ la nɛ ngɛ tsoe nɛ nine kpi he.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Mose IV, 11:15

Ke kikɛ nɛ ɔ o kɛ mi maa ye ɔ, lɛɛ ke o ngɛ ye he suɔmi ɔ, gbee mi amlɔ mohu, konɛ ma ko na nɔ́ kaa kikɛ nɛ ɔ ngɛ o dɛ mi ekohu.”

Mose IV, 11:29

Se Mose he nɔ ke, “Imi lɛ o ngɛ hunga jee ha nɛ ɔ? I na jinɛ Yawɛ ngɔ e mumi ɔ ngɔ ha e ma a tsuo, nɛ mɛ tsuo a kpa ngmlaa kaa gbali!”

Yohane 4:3

Lɔ ɔ he ɔ, benɛ Yesu nu nɔ́ nɛ a ngɛ dee ngɛ e he ɔ, e je Yudea, nɛ e kpale e se kɛ ho Galilea ya.

Yohane 4:8

(Jamɛ a be ɔ, Yesu kaseli ɔmɛ sɛ ma a mi ya nɛ a yaa he niye ní.)

1 Korintobi 3:3

Nyɛ ngɛ he lo nya kɛ mwɔɔ, ejakaa nɔ́ nɛ je mi bi peeɔ ɔ, lɔ ɔ nyɛ hu nyɛ peeɔ. Be abɔ nɛ hunga jemi, kɛ pɛ ngɛ nyɛ kpɛti kɛ mwɔɔ ɔ, anɛ enɛ ɔ tsɔɔ we kaa je mi bi ji nyɛ lo? Nɔ́ nɛ nɔ tsuaa nɔ peeɔ ɔ, anɛ pi lɔ ɔ nɔuu nɛ nyɛ hu nyɛ ngɛ pee ɔ lo?

2 Korintobi 7:10

Ejakaa ke o hao bɔ nɛ sa Mawu hɛ mi ɔ, e haa o tsakeɔ o tsui, nɛ a heɔ o yi wami. Enɛ ɔ lɛɛ he piami ko be mi! Se ke o hao ngɛ níhi nɛ sa je ɔ hɛ mi he ɔ, gbenɔ lɛ jeɔ mi.

Galatabi 5:21

hɛkɔ, dã demi, fiɛmi yaya, kɛ ní yaya peemi kpahi fuu kaa níhi nɛ i tsi a ta nɛ ɔ. I ka nyɛ hɛ mi momo ngɛ kikɛmɛ a je mi bami nɛ ɔmɛ a he, nɛ i ngɛ nyɛ kɔkɔ bɔe ekohu ke nihi nɛ peeɔ kikɛmɛ a ní nɛ ɔmɛ a nine be Mawu matsɛ yemi ɔ nɔ sue gblegbleegble.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?