Mose I, 3:8 - BAIBLO ALOO NGMAMI KLƆUKLƆU Ɔ

⁸ Jamɛ a gbɔkuɛ ɔ, benɛ kɔɔhiɔ yluduu ko ngɛ fiae ɔ, nyumu ɔ kɛ e yo ɔ nu Yawɛ Mawu he nɛ e ngɛ nyɛɛe ngɛ ngmɔ ɔ mi, nɛ a ya laa a he ngɛ tso ɔmɛ a kpɛti.

Mose I, 3:8 ပူးပေါင်းရင်းမြစ်များ

Mose I, 18:33

Benɛ Yawɛ kɛ Abraham tu munyu gbe nya a, Yawɛ je e he, nɛ Abraham hu kpale kɛ ho we mi ya.

Mose I, 3:10

E he nɔ ke, “I nu o he ngɛ ngmɔ ɔ mi; ye tsui po, nɛ i ya laa ye he, ejakaa i hɛɛ ye he gu.”

Hiob 22:14

O susuɔ kaa ke Mawu ngɛ nyɛɛe ngɛ je ɔ, kɛ hiɔwe a kpe he ɔ, e hyɛ we nɔ́ ngɛ bɔku kpii ɔ mi lo?

Hiob 31:33

I laa we ye yayamihi a nɔ kaa bɔ nɛ Adam pee ɔ.

Hiob 38:1

Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Mose III, 26:12

I kɛ nyɛ maa hi si. Ma pee nyɛ Mawu, nɛ nyɛ hu nyɛ maa pee ye ma.

Yona 1:3

Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Romabi 2:15

A ní peepee tsɔɔ kaa nɔ́ nɛ mlaa a ngɛ hlae kaa a pee ɔ, Mawu ngɔ wo a tsui mi momo; nɛ a he nile hu yeɔ enɛ ɔ he odase. Ejakaa be komɛ ɔ, a susumi deɔ mɛ ke nɔ́ nɛ a ngɛ pee ɔ dɛ, nɛ be komɛ hu e deɔ mɛ ke e da.

Mose V, 23:14

Ha nɛ o ta sito he ɔ nɛ pee klɔuklɔu; ejakaa Yawɛ, o Mawu ɔ kɛ mo ngɛ lejɛ ɔ, konɛ e baa o yi, nɛ o ye o he nyɛli ɔmɛ a nɔ kunimi. Koo pee afa nɔ́ ko nɛ ma ha nɛ Yawɛ maa je o he.

Mose V, 4:33

Anɛ ma ko nu mawu ko gbi hyɛ nɛ e kɛ mɛ tu munyu kɛ je la mi nɛ a gbo we, se a ngɛ hɛ ngmengmle kaa bɔ nɛ nyɛ ngɛ nɛ ɔ lo?

Mose V, 5:25

Mɛni he je e sa nɛ wa wo wa he kɛ wo gbenɔ mi ekohu? La gegeege ɔ ma ngla wɔ pɛsɛpɛsɛ. Ke wa nu Yawɛ, wa Mawu ɔ gbi ekohu ɔ, wa ma gbo.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.