Mose I, 3:6 - BAIBLO ALOO NGMAMI KLƆUKLƆU Ɔ

⁶ Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Mose I, 3:6 ပူးပေါင်းရင်းမြစ်များ

Mose I, 3:12

Nyumu ɔ he nɔ ke, “Yo ɔ nɛ o ngɔ ba piɛ ye he ɔ, lɛ nɛ ha mi tso ɔ yiblii ɔ eko nɛ i ye.”

Mose I, 3:17

Nyumu ɔ lɛɛ Yawɛ Mawu de lɛ ke, “O ya bu o yo ɔ tue nɛ o ye tso ɔ yiblii ɔ nɛ i de nyɛ ke nyɛ ko ye ɔ. Nɔ́ nɛ o pee nɛ ɔ he je ɔ, i gbiɛ zugba zu ɔ; nga kɛ mio maa puɛ ngɛ nɔ, nɛ nga nɔ tsohi ji nɔ́ nɛ o maa ye. O ma tsu ní kpakpataa nɛ o maa nyla o hɛ mi latsa loko zugba a maa ba ní bɔ nɛ sa ha mo nɛ o ye. O maa pee enɛ ɔ daa kɛ yaa si a maa pu mo ngɛ zu ɔ nɛ i tĩ kɛ puɛ mo ɔ mi. Zu ji mo, nɛ o maa kpale kɛ ya zu mi ekohu.”

Mose I, 39:7

Saii mi ɔ, e nyɔmtsɛ ɔ yo ɔ bɔni e se nyɛɛmi nɛ e kɛ lɛ nɛ na bɔmi.

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Matsɛmɛ I, 13:19

Kɛkɛ nɛ gbalɔ nɛ je Yuda a, kɛ gbalɔ nɔmoyo ɔ kpale kɛ ho we mi ya, nɛ e ya ye ní, nɛ e nu nyu ngɛ lejɛ ɔ.

Hiob 31:1

I ka kita kaa i kɛ akɔnɔ hɛngmɛ be zangmayo ko hyɛe gblegbleegble.

Ezekiel 24:16

E ke, “Nɔmlɔ adesa, tlukaa a, ma ha gbenɔ hiɔ ma ba fia o suɔlɔ pe kulaa a, nɛ e ma gbo. Ke e ba mi ja a, koo ye kɔmɔ; ko fo ya, nɛ koo nga vo nyu hulɔ.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Ezekiel 24:25

“Nɛ mo, nɔmlɔ adesa, jamɛ a ligbi ɔ nɛ ma kpɔ a he wami ɔ ngɛ a dɛ, nɛ a bua jɔmi, a hɛ mi nyami, kɛ afɛu nɔ́, kɛ nɔ́ nɛ a suɔ kɛ a tsui tsuo ɔ maa laa mɛ ɔ, a binyumuhi, kɛ a biyihi tsuo a hɛ mi ma kpata.

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

1 Timoteo 2:14

Jehanɛ hu, pi Adam nɛ a sisi; yo ɔ mohu nɛ a sisi, nɛ e tɔ Mawu mlaa a.

Yoshua 7:21

i na Babilonia bo kpakpa ko, kɛ sika hiɔ kilo enyɔ, kɛ sika tsu kpɔ kake nɛ ngmɛɛ kilo fa ngɛ ta yibu ní ɔmɛ a mi; ye hɛ kɔ ní ɔmɛ a nɔ, nɛ i muɔ mɛ. I pu mɛ ngɛ ye bo tsu ɔ mi, nɛ sika hiɔ ɔ ngɛ ní ɔmɛ a sisi.”

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.