Mose I, 3:5 - BAIBLO ALOO NGMAMI KLƆUKLƆU Ɔ

⁵ Mawu de ja, ejakaa e le kaa ke nyɛ ye jamɛ a tso ɔ yiblii ɔ, nyɛ hɛngmɛ ma bli, nɛ nyɛ maa hi kaa lɛ Mawu ɔ nitsɛ; nyɛ maa le kpakpa kɛ yayami.”

Mose I, 3:5 ပူးပေါင်းရင်းမြစ်များ

Ezekiel 28:2

“Nɔmlɔ adesa, de Tiro ganɔ ɔ ke, bɔ nɛ imi Nyɔmtsɛ Yawɛ, i ngɛ lɛ dee ji nɛ ɔ nɛ: O wo o he nɔ gojoo ke mawu ji mo. O hii si ngɛ matsɛ sɛ nɔ; nɛ wo bɔle mo. Mo nɔmlɔ adesa a, o pee o he kaa mawu ko ji mo.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Mose I, 2:17

ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Mateo 6:23

Se ke o hɛngmɛ nɔ tsɔ we ɔ, lɛɛ o nɔmlɔ tso ɔ tsuo maa wo diblii. Lɔ ɔ he ɔ, ke la nɛ ngɛ o mi ji diblii ɔ, lɛɛ jamɛ a diblii ɔ mi ma ti wawɛɛ nitsɛ.

Mose I, 3:22

Enɛ ɔ se ɔ, Yawɛ Mawu de ke, “Jehanɛ lɛɛ nyumu ɔ ngɛ kaa wa ti nɔ kake pɛ, nɛ e le kpakpa kɛ yayami. Ma hyɛ nɛ e ko ya tsɔ tso ɔ nɛ haa nɔ wami ɔ e yiblii nɛ e ye, nɛ e ba hi je mi kɛ ya neneene.”

Mose I, 3:10

E he nɔ ke, “I nu o he ngɛ ngmɔ ɔ mi; ye tsui po, nɛ i ya laa ye he, ejakaa i hɛɛ ye he gu.”

Mose I, 3:7

Benɛ a ye tso yiblii ɔ pɛ nɛ mɛ ni enyɔ ɔmɛ tsuo a na anɔkuale ɔ; a na kaa a hɛɛ a he gu, nɛ a kpɛ ba kɛ pee bo nɛ a kɛ ha a mlɛ mi.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 13:4

Ni ɔmɛ tsuo ja sinɔ nguaa a, ejakaa e ngɔ e blɔ nya a kɛ ha lohwe awi yelɔ ɔ. A ja lohwe awi yelɔ ɔ hulɔ, nɛ a de ke, “Mɛnɔ kɛ lohwe nɛ ɔ sɔ? Mɛnɔ ma nyɛ nɛ e kɛ lɛ maa hwu ta?”

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Yesaya 14:14

O de hu ke o maa kuɔ kɛ ya bɔku ɔmɛ a yi mi tɔɔ; nɛ o maa pee o he kaa Tabohiatsɛ ɔ nitsɛ.

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Ezekiel 28:9

Ke e ba mi ja a, anɛ o ma nyɛ ma de ngɛ ni nɛmɛ nɛ ngɛ mo gbee ɔ a hɛ mi ke mawu ji mo lo? O maa le kaa nɔmlɔ adesa kɛkɛ ji mo.

Ezekiel 13:22

“Ejakaa dalɔ nɛ i sume kaa e ye aywilɛho ɔ, nyɛ ngɔɔ nyɛ lakpa munyu ɔmɛ kɛ yeɔ e tsui. Se nyɛ woɔ yayami peelɔ mohu he wami konɛ e ko kpa yayami peemi, nɛ a ko he e yi wami.

La 12:4

A deɔ ke, “Wa ngɔɔ wa nya mi munyu kɛ naa nɔ́ tsuaa nɔ́ nɛ wa ngɛ hlae. Nɔ́ tsuaa nɔ́ nɛ wa suɔ kaa wa ma de ɔ, wa ma de. Mɛnɔ ma nyɛ maa tsi wa nya?”

Kronika II, 32:15

Lɔ ɔ he ɔ, nyɛ ko ha nɛ Hezekia nɛ sisi nyɛ, loo e mlɔɔ nyɛ kikɛ nɛ ɔ. Nyɛ ko he lɛ nyɛɛ ye! Je ma ko je ma ko mawu kpɔ we e ma hyɛ kɛ ji Asiria matsɛ ko matsɛ ko dɛ mi. Enɛ ɔ he je ɔ, e fɔɔ si paa kaa nyɛ hu nyɛ Mawu nɛ ɔ be nyɛe ma he nyɛ yi wami!”

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Ezekiel 28:12

“Nɔmlɔ adesa, la hɛdo la ko kɛ nyɛ ya ha Tiro matsɛ ɔ ngɛ nɔ́ nɛ maa ba e nɔ ɔ he. De lɛ nɔ́ nɛ imi Nyɔmtsɛ Yawɛ, i ngɛ dee ɔ: Be ko nɛ be ɔ, ke a ke nɔ ko hi kɛ pi si ɔ, lɛɛ mo ji nɔ hyɛmi nɔ́; o nile mi kuɔ, nɛ o he ngɛ fɛu saminya!

Mose I, 2:9

E ha tso slɔɔtoslɔɔtohi puɛ ngɛ ngmɔ ɔ mi: tsohi nɛ ngɛ fɛu, kɛ ní nɛmɛ nɛ woɔ yiblii nɛ a yeɔ. Tso nɛ haa nɔ wami, kɛ tso nɛ haa nɔ leɔ kpakpa kɛ yayami maa si ngɛ ngmɔ ɔ kpɛti tutuutu.

Manyadali 3:2

Yawɛ pee nɔ́ nɛ ɔ, bɔ nɛ pee nɛ Israel yi nɔ bimɛ nɛ maa ba ngɛ se ɔ, a tsɔɔ mɛ ta hwumi; titli ɔ, a ti ni nɛmɛ nɛ yɛ ta hyɛ ɔ.