Mose I, 3:22 - BAIBLO ALOO NGMAMI KLƆUKLƆU Ɔ

²² Enɛ ɔ se ɔ, Yawɛ Mawu de ke, “Jehanɛ lɛɛ nyumu ɔ ngɛ kaa wa ti nɔ kake pɛ, nɛ e le kpakpa kɛ yayami. Ma hyɛ nɛ e ko ya tsɔ tso ɔ nɛ haa nɔ wami ɔ e yiblii nɛ e ye, nɛ e ba hi je mi kɛ ya neneene.”

Mose I, 3:22 ပူးပေါင်းရင်းမြစ်များ

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Kpojemi 22:2

kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.

Abɛ Womi 3:18

Nihi nɛ le ní ɔ, a naa bua jɔmi; nile haa mɛ wami.

Mose I, 2:9

E ha tso slɔɔtoslɔɔtohi puɛ ngɛ ngmɔ ɔ mi: tsohi nɛ ngɛ fɛu, kɛ ní nɛmɛ nɛ woɔ yiblii nɛ a yeɔ. Tso nɛ haa nɔ wami, kɛ tso nɛ haa nɔ leɔ kpakpa kɛ yayami maa si ngɛ ngmɔ ɔ kpɛti tutuutu.

Mose I, 1:26

Mawu de ke, “Jehanɛ lɛɛ nyɛ ha nɛ waa pee nɔmlɔ adesa; a maa hi kaa bɔ nɛ wa ngɛ ɔ, nɛ a maa je wɔ. A maa ye lo ɔmɛ, lohwe pɛlitsɛmɛ ɔmɛ, we mi lohwe ɔmɛ, pu mi lohwe ɔmɛ, kɛ ní nɛmɛ nɛ sãã si ngɛ zugba a tsuo a nɔ.”

Mose I, 3:5

Mawu de ja, ejakaa e le kaa ke nyɛ ye jamɛ a tso ɔ yiblii ɔ, nyɛ hɛngmɛ ma bli, nɛ nyɛ maa hi kaa lɛ Mawu ɔ nitsɛ; nyɛ maa le kpakpa kɛ yayami.”

Yeremia 22:23

Nyɛ ngɛ tue mi jɔmi si himi mi ngɛ seda tsohi nɛ a kɛ je Lebanon kɛ ba a a mi. Se kɛ̃, haomi kɛ he hiami maa ba nyɛ nɔ kaa yo nɛ nu kɔɔmi; nyɛ ní maa pee mɔbɔ wawɛɛ nitsɛ.

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

Mose I, 3:21

Nɛ Yawɛ Mawu ngɔ lohwehi a he womi kɛ kpɛ tade ngɔ wo Adam kɛ e yo ɔ.

Mose I, 3:23

Lɔ ɔ he ɔ, Yawɛ Mawu je Adam we; e fie lɛ kɛ je Eden ngmɔ ɔ mi, konɛ e ya hu zugba zu ɔ nɛ a kɛ puɛ lɛ ɔ.