Mose I, 3:20 - BAIBLO ALOO NGMAMI KLƆUKLƆU Ɔ

²⁰ Adam wo e yo ɔ biɛ ke Hawa, nɛ e de ke, “I wo mo kikɛmɛ a biɛ nɛ ɔ, ejakaa nimli adesahi tsuo a nyɛ ji mo.”

Mose I, 3:20 ပူးပေါင်းရင်းမြစ်များ

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Mose I, 2:23

Nyumu ɔ de ke, “Ɛhɛɛ! Jehanɛ lɛɛ i na ye henɔ tutuutu: imi nitsɛ ye muɔ ji nɛ ɔ nɛ. A je lɛ kɛ je nyumu mi; a ma tsɛ lɛ yo.”

Mose I, 5:29

E de ke, “Dengme nɛ wa ngɛ gboe kɛ ngɛ ní tsue ngɛ zugba nɛ Yawɛ gbiɛ ɔ nɔ ɔ, bi nɛ ɔ ma ba wo wa bua.” Lɔ ɔ he ɔ, e wo jokuɛ ɔ biɛ ke Noa.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Samuel I, 1:20

Hana ngɔ hɔ, nɛ e fɔ binyumu, nɛ e wo lɛ biɛ ke Samuel; nɛ e de ke, “I wo lɛ kikɛmɛ a biɛ nɛ ɔ, ejakaa i bi Yawɛ nɛ e kɛ lɛ ha mi.”

Mose II, 2:10

Benɛ jokuɛ ɔ ba wa a, yo ɔ ngɔ lɛ ya ha Farao ɔ biyo ɔ, nɛ e ba pee e bi. E wo lɛ biɛ ke Mose, nɛ e de ke, “I wo lɛ kikɛmɛ a biɛ nɛ ɔ, ejakaa nyu mi i je lɛ kɛ je.”

Mose I, 35:18

Se Rahel miɔ nɛ e ma gbo. Loko e ma e nya a, e wo bi ɔ nɛ e fɔ ɔ ke Benoni; se e tsɛ lɛɛ biɛ nɛ e wo lɛ ji Benyamin.

Mose I, 16:11

Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

1 Timoteo 2:13

Ejakaa Adam nɛ a bɔ kekle loko a bɔ Hawa.

Mose I, 3:21

Nɛ Yawɛ Mawu ngɔ lohwehi a he womi kɛ kpɛ tade ngɔ wo Adam kɛ e yo ɔ.