Mose I, 28:5 - BAIBLO ALOO NGMAMI KLƆUKLƆU Ɔ

⁵ Isak wo Yakob blɔ kɛ ho Mesopotamia ya, kɛ ya ha Aram no ɔ nɛ a tsɛɛ lɛ Betuel ɔ binyumu Laban. Laban nyɛmiyo ji Rebeka, Esau kɛ Yakob a nyɛ ɔ.

Mose I, 28:5 ပူးပေါင်းရင်းမြစ်များ

Mose I, 25:20

Isak ye jeha nyingmi eywiɛ nɛ e ngɔ Rebeka, Aram no ɔ nɛ je Mesopotamia nɛ a tsɛɛ lɛ Betuel ɔ biyo ɔ. Rebeka nyɛminyumu ji Laban.

Mose I, 27:43

Lɔ ɔ he ɔ, ye bi, bu tue! Tuu fo esɔ kɛ ya ye nyɛminyumu Laban ngɔ ngɛ Haran.

Mose I, 29:12

E de Rahel ke, “Ye nyɛmi ji mo; o tsɛ nyɛmiyo Rebeka a, e bi ji mi.” Rahel tu fo kɛ ho nɛ e ya bɔ e tsɛ amaniɛ.

Hosea 12:12

Wa nɛ̃, Yakob tu fo kɛ ho Mesopotamia ya, nɛ e ya ye apaa ngɛ lejɛ ɔ. Bɔ nɛ pee nɛ e na yo nɛ e ngɔ ɔ, e ya hyɛ nɔ ko tohi a nɔ.

Mose I, 22:23

nɛ ji Rebeka tsɛ. Milka kɛ Abraham nyɛminyumu Nahor fɔ binyumuhi kpaanyɔ nɛ ɔmɛ.

Mose I, 24:54

Enɛ ɔ se ɔ, Abraham tsɔlɔ ɔ, kɛ nihi nɛ piɛ e he ɔ ye ní nɛ a nu nɔ́ ko, nɛ a hwɔ lejɛ ɔ jamɛ a nyɔ ɔ mi. Mɔtu benɛ a te si ɔ, e de ke, “Nyɛɛ wo mi blɔ nɛ ma kpale kɛ ho ye nyɔmtsɛ ɔ ngɔ ya.”

Mose I, 28:2

Yaa Mesopotamia, esɔ. Yaa o nɛ̃ Betuel we ɔ mi, nɛ o ya ngɔ o tsɛko Laban biyi ɔmɛ a ti nɔ kake.

Mose I, 29:1

Yakob tsa e blɔ hiami ɔ nɔ kɛ ya si e ya su zugba a nɛ ngɛ beleku je ɔ nɔ.

Mose I, 31:24

Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”

Mose I, 35:27

Yakob ba e tsɛ Isak ngɔ ngɛ Mamre, he nɛ Abraham kɛ Isak ba to nubwɔ ngɛ ɔ. Mamre biɛ kpa ji Kiriat Arba, aloo Hebron.

Mose V, 26:5

Mo de ngɛ Yawɛ hɛ mi ke, ‘Aram no si kpalɔ ji ye nɛ̃. E kɛ nihi bɔɔ pɛ nɛ ho Egipt ya; e ya to nubwɔ ngɛ lejɛ ɔ, se a ba pee ma agbo nɛ he wa saminya.

Ezekiel 27:16

Siria bi hu ba heɔ o guɛ ní slɔɔtoslɔɔto ɔmɛ. A ngɔɔ ní nɛ ɔmɛ kɛ ba woɔ o guɛ ní ɔmɛ a he hiɔ: tɛ nɛ he jua wa nɛ hɛɛ ba mumu su, bo he jua wawɛ nɛ hɛɛ alamua tu su, bo nɛ a lo ní kɛ wo mi, kploba kpakpa, tenglɛnglɛ, kɛ tɛ nɛ he jua wa nɛ kpɛɔ kaa ahuhuɛ.