Mose I, 28:18 - BAIBLO ALOO NGMAMI KLƆUKLƆU Ɔ

¹⁸ Yakob te si mɔtu kpla, nɛ e ngɔ tɛ ɔ nɛ e tslɔ ɔ ngɔ ma si kaa kaimi titima. Lɔ ɔ se ɔ, e plɛ nu ngɔ pue nɔ, nɛ e kɛ pee tɛ ɔ klɔuklɔu ha Mawu.

Mose I, 28:18 ပူးပေါင်းရင်းမြစ်များ

Mose I, 35:14

Yakob kɛ kaimi tɛ ko ma si ngɛ he nɛ Mawu kɛ lɛ ba tu munyu ngɛ ɔ. E plɛ wai kɛ oliv nu ngɔ pue nɔ, nɛ e kɛ pee tɛ ɔ klɔuklɔu kɛ ha Mawu.

Mose I, 31:45

Kɛkɛ nɛ Yakob ya wo tɛ ba ma si kaa kaimi nɔ́.

Mose I, 35:20

Yakob kɛ kaimi tɛ ma Rahel yɔkɔ ɔ nɔ, nɛ tɛ ɔ ngɛ lejɛ ɔ kɛ ba si mwɔnɛ ɔ.

Mose I, 31:13

Imi ji Mawu ɔ nɛ je e he kpo ngɔ tsɔɔ mo ngɛ Betel ɔ nɛ. Lejɛ ɔ o pɔ tɛ ko nu ngɛ; lejɛ ɔ nɔuu lɛ o ka mi kita ngɛ. Lɔ ɔ he ɔ, dla nɛ o kpale o se esɔ kɛ ya zugba a nɔ he nɛ a fɔ mo ngɛ ɔ.’ ”

Yesaya 19:19

Ke jamɛ a be ɔ su ɔ, a maa ma Yawɛ bɔ sami la tɛ ngɛ Egipt zugba a nɔ; nɛ a maa to tɛ titima ko nɛ a gbaa nɔ ha Yawɛ ngɛ Egipt huzu ɔ nya.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

La 119:60

I ngɛ esɔ hee nɛ ma ye o mlaa amɛ a nɔ; tsle tomi be mi ha mi.

Samuel II, 18:18

Benɛ Absalom ngɛ je mi ɔ, e ma kaimi titima ko kɛ ha e he ngɛ Matsɛ kɔ̃ ɔ mi; ejakaa e de ke, “I be binyumu ko nɛ a kɛ ma kai ye biɛ.” Lɔ ɔ he ɔ, e kɛ lɛ nitsɛ e biɛ wo titima a; nɛ kɛ ba si mwɔnɛ ɔ, a tsɛɛ lɛ Absalom kaimi nɔ́.

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”

Mose IV, 7:1

Ligbi ɔ nɛ Mose gbe kpe he ɔ mami nya a, e pɔ kpe he ɔ nu, nɛ e tsukɔ he kɛ e he ní ɔmɛ tsuo, kɛ bɔ sami la tɛ ɔ kɛ e he ní ɔmɛ tsuo.

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Mose I, 28:11

Benɛ pu nɔ si ɔ, e ya su he ko, nɛ e to si ngɛ lejɛ ɔ. E ngɔ tɛ nɛ e tslɔ, nɛ e hwɔ lejɛ ɔ.

Yoshua 4:9

Jehanɛ, Yoshua hu kɛ tɛ nyɔngma kɛ enyɔ ɔmɛ ma si ngɛ Yordan pa a mi, he nɛ osɔfo ɔmɛ nɛ tloo somi daka a da si ngɛ ɔ. (Tɛ nɛ ɔmɛ ngɛ pa a mi ngɛ lejɛ ɔ kɛ mwɔɔ.)

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.