Mose I, 27:40 - BAIBLO ALOO NGMAMI KLƆUKLƆU Ɔ

⁴⁰ O klaate nɛ o kɛ ma he o yi wami. O ma sɔmɔ o nyɛminyumu ɔ. Se ke o na blɔ ɔ, O ma tsɔ e hɛ mi atuã, Nɛ o maa ye o he.”

Mose I, 27:40 ပူးပေါင်းရင်းမြစ်များ

Mose I, 25:23

Yawɛ de lɛ ke, “Bimɛ nɛ ngɛ o mi mi ɔ ma ba pee je ma enyɔ hwɔɔ se, nɛ́ a kɛ a he be yee. Kake he ma ba wa pe kake; nɛ nɔkɔtɔma a ma sɔmɔ jokuɛ ɔ.”

Kronika II, 21:10

Kɛ je jamɛ a ligbi ɔ, Edom tsɔ e he kɛ je Yuda nɔ yemi ɔ sisi kɛ ba si mwɔnɛ ɔ. Jamɛ a be ɔ mi nɔuu ɔ, Libna ma a hu tsɔ atuã, ejakaa Yehoram je Yawɛ, e nɛmɛ a Mawu ɔ se.

Samuel II, 8:14

David to tabohi a hi hehi ngɛ Edom zugba a nɔ tsuo; nɛ Edom bi ɔmɛ ba plɛ pee e sɔmɔli. Yawɛ ha David ye kunimi ngɛ he tsuaa he.

La 60:8

Moab ji ye hedu buɛ. Ma sake ye tokota kɛ pue Edom nɔ kɛ tsɔɔ kaa a ye e nɔ. Ma he ose kɛ ye Filistia nɔ kunimi.”

Kronika II, 21:8

Yehoram yi nɔ ɔ, Edom tsɔ Yuda hɛ mi atuã, nɛ mɛ nitsɛmɛ a ya wo matsɛ kɛ ha a he.

Matsɛmɛ II, 14:10

Amazia, o gbe Edom bi ɔmɛ; enɛ ɔ he je ɔ, o ngɛ o he nɔ woe. Amlɔ nɛ ɔ, o he biɛ. Lɔ ɔ he ɔ, ha nɛ o bua nɛ jɔ o he nɛ o hi si ngɛ o we mi. Mɛni he je nɛ o ngɛ sane yee kikɛ nɛ ɔ? Anɛ o li kaa nɔ́ nɛ ɔ kɛ haomi maa ba o kɛ Yuda tsuo nyɛ nɔ lo?”

Matsɛmɛ II, 14:7

Amazia gbe Edom ta buli akpe nyɔngma ngɛ Ngo kɔ̃ ɔ mi. E kpɔ Sela ma a ngɛ ta mi, nɛ e wo lɛ biɛ ke Yokteel; nɛ ja a tsɛɛ ma nɛ ɔ kɛ ba si mwɔnɛ ɔ.

Mose I, 32:6

Benɛ tsɔli ɔmɛ kpale a se kɛ ba Yakob ngɔ ɔ, a de lɛ ke, “Wa ya na o nyɛmi Esau ɔ, nɛ lɛ hu e kɛ nihi lafa eywiɛ ma nɛ a ba kpee mo.”

Mateo 10:34

“Nyɛ ko susu kaa i ba, konɛ ma ha nɛ he jɔmi nɛ ba je ɔ mi. Dɛbi, pi he jɔmi hami nɛ i ba; se klaate mohu i kɛ ba.

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Mose I, 33:9

Se Esau de lɛ ke, “Ye nyɛmi, nɔ́ nɛ i ngɛ ɔ hiɛ; ha nɛ enɛ ɔmɛ nɛ a hi si ha mo.”