Mose I, 27:4 - BAIBLO ALOO NGMAMI KLƆUKLƆU Ɔ

⁴ Kɛ pee niye ní nɛ ngɔɔ kaa bɔ nɛ i suɔ ɔ. Ngɔɔ ba ha mi nɛ ma ye, nɛ ma gbaa mo loko ma gbo.”

Mose I, 27:4 ပူးပေါင်းရင်းမြစ်များ

Hebribi 11:20

Hemi kɛ yemi lɛ Isak kɛ gbaa Yakob kɛ Esau kɛ ha hwɔɔ se je mi si himi.

Mose I, 48:9

Yosef he nɔ ke, “Bimɛ nɛ Mawu ha mi ngɛ Egipt zugba a nɔ hiɛmɛ nɛ ɔ ji nɛ ɔmɛ nɛ.” Yakob de lɛ ke, “Ngɔɔ mɛ kɛ ba nɛ ma gbaa mɛ.”

Mose I, 49:28

Yakob bimɛ, Israel wɛtso nyɔngma kɛ enyɔ ɔmɛ ji nɛ ɔmɛ nɛ. Benɛ a tsɛ ɔ kɛ mɛ ye nyagbe sɛ, nɛ e gbaa mɛ ɔ, munyuhi nɛ e tu mɛ ji nɛ ɔmɛ nɛ; nɔ tsuaa nɔ ná e nɔ́.

Mose I, 27:25

Isak de lɛ ke, “Ngɔɔ lo ɔ nɛ o ya gbe ɔ eko kɛ ba nɛ ma ye, konɛ ma gbaa mo.” Yakob ngɔ niye ní ɔ ba ha lɛ, nɛ e ye; jehanɛ se hu, e ha lɛ wai nɛ e nu.

Luka 24:51

Benɛ e ngɛ mɛ gbae ɔ, e je a he, [nɛ a ngɔ lɛ kɛ ho hiɔwe ya.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Yoshua 22:6

Yoshua gbaa mɛ, nɛ e wo mɛ blɔ. E de mɛ ke, “Nyɛ pee kplɔkɔtɔtsɛmɛ kɛ yaa we; nyɛ ngɛ nahi babauu, sika hiɔ, sika tsu, akɔblee, dade, kɛ heha ní babauu. Ke nyɛ ya su ɔ, nyɛɛ kɛ nyɛ nyɛmimɛ ɔmɛ nɛ dla ní ɔmɛ tsuo nɛ nyɛ kpɔ ngɛ nyɛ he nyɛli ɔmɛ a dɛ ɔ.” Lɔ ɔ se ɔ, a pue blɔ kɛ ho we ya. Mose ha Manase wɛtso fa kake zugba ngɛ Yordan beleku je momo. Wɛtso fa a nɛ piɛ ɔ lɛɛ Yoshua ha mɛ zugba ngɛ a nyɛmimɛ ɔmɛ a kpɛti, ngɛ Yordan pa a bonyoku je.

Yoshua 14:13

Yoshua gbaa Yefune binyumu Kaleb, nɛ e ngɔ Hebron ma a ngɔ ha lɛ kaa e weto ní.

Mose I, 27:7

‘Yaa hla de lo kɛ ba nɛ o kɛ ba pee niye ní nɛ ngɔɔ ha mi nɛ ma ye nɛ ma gbaa mo ngɛ Yawɛ hɛ mi loko ma gbo.’

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Mose I, 27:31

Lɛ hu e ba pee niye ní nɛ ngɔɔ, nɛ e kɛ ba ha e tsɛ ɔ. E de lɛ ke, “Tsaatsɛ, i kpa mo pɛɛ, tee si nɛ o hi si, nɛ o ye de lo nɛ i kɛ ba a eko, konɛ o gbaa mi.”

Mose I, 27:27

Benɛ Yakob hɛ lɛ kɛ ba konɛ e ba fiɔ Isak nya he ɔ, Isak nu e tade ɔ mi via; lɔ ɔ he ɔ, e gbaa lɛ. E de lɛ ke, “Ye bi ɔ he via kaa ngmɔ ko nɛ Yawɛ gbaa nɔ, nɛ baa ní ɔ nɔ via.

Mose I, 27:23

Isak li Yakob mi tso, ejakaa bwɔmi ngɛ e nine ɔmɛ a he kaa Esau ní ɔmɛ. Loko e gbaa lɛ ɔ,

Mose I, 24:60

A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 27:5

Benɛ Isak kɛ Esau ngɛ munyu tue ɔ, Rebeka ngɛ tue bue. Lɔ ɔ he ɔ, benɛ Esau ho pu mi ya nɛ e ya da de ɔ,

Mose I, 27:9

Yaa to tsu ɔ mi, nɛ o ya nu apletsi saminyawiiwi enyɔ kɛ ba nɛ ma kɛ pee niye ní nɛ ngɔɔ kaa bɔ nɛ o tsɛ suɔ ɔ.

Mose I, 27:14

Kɛkɛ nɛ Yakob ya nu apletsi ɔmɛ kɛ ba, nɛ e nyɛ kɛ mɛ pee niye ní nɛ ngɔɔ kaa bɔ nɛ e tsɛ Isak suɔ ɔ.

Mose I, 27:17

Enɛ ɔ se ɔ, Rebeka ngɔ niye ní nɛ ngɔɔ ɔ, kɛ abolo nɛ e sã a ha Yakob.

Mose I, 27:19

Yakob he nɔ ke, “Imi Esau, o bitɛte ɔ; nɔ́ nɛ o de mi ke ma pee ɔ, i pee. I kpa mo pɛɛ, tee si nɛ o hi si, nɛ o ye de lo nɛ i kɛ ba a eko, konɛ o gbaa mi.”