Mose I, 27:29 - BAIBLO ALOO NGMAMI KLƆUKLƆU Ɔ

²⁹ Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Mose I, 27:29 ပူးပေါင်းရင်းမြစ်များ

Mose IV, 24:9

E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Romabi 9:12

e de Rebeka ke, “Nɔkɔtɔma a ma sɔmɔ jokuɛ ɔ,” konɛ e ko ba mi kaa nɔ́ ko nɛ e tsu he, se mohu nɔ nɛ tsɛ mɛ ɔ lɛ pee.

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

La 72:8

É ye tsɛ kɛ je wo nya hiɛ kɛ ya su wo nya hiɛ, kɛ je Yufrate pa a nya kɛ ya su je ɔ nyagbe he ɔmɛ!

Matsɛmɛ I, 22:47

Jamɛ a be ɔ mi ɔ, matsɛ ko be Edom; matsɛ se yelɔ lɛ ngɛ.

Mose IV, 23:8

Kɛ ma pee kɛɛ nɛ ma gbiɛ nihi nɛ Mawu lɛɛ e gbíɛ mɛ; loo ma tu munyu kɛ si nihi nɛ Mawu lɛɛ e mi mi fu we mɛ?

Mose I, 37:7

Wɔ tsuo wa ngɛ ngmɔ mi nɛ wa ngɛ ngma fie. Kɛkɛ nɛ ye ngma a nɛ i fi ɔ te da si; nɛ nyɛ ngma amɛ ba bɔle ye ngma a, nɛ a kpla si ha lɛ.”

Mose I, 27:37

Isak he nɔ ke, “I pee lɛ o nyɔmtsɛ momo, nɛ i pee nyɛ e nyɛmimɛ ɔmɛ tsuo e nyɔguɛhi. I ha lɛ ngma kɛ wai. Lɔ ɔ he ɔ, ye bi, nɔ́ ko pa be nɛ ma pee ha mo!”

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Mateo 25:45

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee we ngɔ ha ye nyɛmimɛ nɛ ɔmɛ a ti nɔ nyafii pee kulaa a, nyɛ pee we ngɔ ha we imi hulɔ.’

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Mose I, 25:33

Yakob he nɔ ke, “Kekleekle ɔ, ka mi kita kaa o kɛ o blɔ nya a ma ha mi.” Esau ka lɛ kita, nɛ e jua e blɔ nya a kɛ ha Yakob.

Mose I, 9:27

Mawu nɛ ha nɛ Yafet nɛ plɔke! E nina kɛ Shem nina maa hi si! Kanaan maa pee Yafet nyɔguɛ.”

Mose I, 27:30

Benɛ Isak gbaa Yakob ta, nɛ Yakob je e tsɛ ɔ ngɔ pɛ kɛkɛ nɛ e nyɛmi Esau hu je de dami kɛ ba.

Mose I, 27:40

O klaate nɛ o kɛ ma he o yi wami. O ma sɔmɔ o nyɛminyumu ɔ. Se ke o na blɔ ɔ, O ma tsɔ e hɛ mi atuã, Nɛ o maa ye o he.”

Mose I, 37:10

E ya bɔ e tsɛ hu nlami nɛ ɔ, nɛ e tsɛ ka e hɛ mi ke, “Mɛni nlami ji nɛ ɔ? Lɛɛ tse i kɛ o nyɛ kɛ o nyɛmimɛ ɔmɛ ma ba kpla si ha mo lo?”

Mose IV, 24:18

E maa ye e he nyɛli ɔmɛ a nɔ ngɛ Edom; nɛ e maa ngɔ a zugba a; Israel maa ye kunimi daa.

Yesaya 60:12

Je ma, loo nɔ yemi nɛ be mo sɔmɔe ɔ, a ma kpata e hɛ mi pɛsɛpɛsɛ.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’