Mose I, 27:19 - BAIBLO ALOO NGMAMI KLƆUKLƆU Ɔ

¹⁹ Yakob he nɔ ke, “Imi Esau, o bitɛte ɔ; nɔ́ nɛ o de mi ke ma pee ɔ, i pee. I kpa mo pɛɛ, tee si nɛ o hi si, nɛ o ye de lo nɛ i kɛ ba a eko, konɛ o gbaa mi.”

Mose I, 27:19 ပူးပေါင်းရင်းမြစ်များ

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Matsɛmɛ I, 14:2

Yeroboam de e yo ɔ ke, “Mo tsake o he, nɛ nɔ ko kó le kaa ye yo ji mo, nɛ o ya Shilo, he nɛ gbalɔ Ahiya ngɛ ɔ. Lɛ ji nɔ nɛ de mi be ko ke i ma ba ye tsɛ ngɛ Israel ɔ nɛ.

Mose I, 27:21

Isak de Yakob ke, “Ye bi, hɛɛ mo kɛ ba nɛ ma pɛtɛ o he ma hyɛ kaa ye bi Esau ji mo niinɛ lo.”

Mose I, 27:4

Kɛ pee niye ní nɛ ngɔɔ kaa bɔ nɛ i suɔ ɔ. Ngɔɔ ba ha mi nɛ ma ye, nɛ ma gbaa mo loko ma gbo.”

Mose I, 25:25

Nɔ nɛ ba kekle ɔ tsuɔ papaapa, nɛ e he womi ngɛ kaa bo nɛ a kɛ bwɔmi lo. Enɛ ɔ he je ɔ, a wo lɛ biɛ ke Esau.

Matsɛmɛ I, 13:18

Gbalɔ nɔmoyo ɔ nɛ je Betel ɔ de lɛ ke, “Imi hu gbalɔ ji mi kaa mo. Yawɛ fa bɔfo ko ke e ba de mi ke ma ba ngɔ mo kɛ ba we mi nɛ o ba ye ní, nɛ o nu nyu.” Se gbalɔ nɔmoyo ɔ sisi lɛ.

Mose I, 25:28

Isak suɔ Esau sane, ejakaa Esau ya gbeɔ de lo ba haa lɛ nɛ e yeɔ; se Rebeka lɛɛ e suɔ Yakob.

Mose I, 27:18

Kɛkɛ nɛ Yakob ho e tsɛ ɔ ngɔ ya, nɛ e ya de lɛ ke, “Tsaatsɛ!” Isak he nɔ ke, “I ngɛ hiɛ ɔ, ye bi! Mo mɛnɔ?”

Mose I, 27:31

Lɛ hu e ba pee niye ní nɛ ngɔɔ, nɛ e kɛ ba ha e tsɛ ɔ. E de lɛ ke, “Tsaatsɛ, i kpa mo pɛɛ, tee si nɛ o hi si, nɛ o ye de lo nɛ i kɛ ba a eko, konɛ o gbaa mi.”

Mose I, 27:35

Se Isak he nɔ ke, “O nyɛmi ɔ ba sisi mi, nɛ e ba he o gbaami ɔ kɛ je.”

Mose I, 27:45

nɛ e hɛ maa je nɔ́ nɛ o pee lɛ ɔ nɔ. Lɔ ɔ se ɔ, ma tsɔ nɛ a ba ngɔ mo kɛ ba. Mɛni he je ye bimɛ enyɔ ɔmɛ tsuo a yi maa ta ligbi kake too?”