Mose I, 27:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ Yakob ya nu apletsi ɔmɛ kɛ ba, nɛ e nyɛ kɛ mɛ pee niye ní nɛ ngɔɔ kaa bɔ nɛ e tsɛ Isak suɔ ɔ.

Mose I, 27:14 ပူးပေါင်းရင်းမြစ်များ

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

La 141:4

Piɛ ye he, konɛ ma ko na yayami peemi he bua jɔmi; piɛ ye he, konɛ i kɛ yayami peeli ko bɔ; nɛ ko ha ma ya ye a niye ní ngɔngɔɛ ɔ eko.

Mose I, 27:31

Lɛ hu e ba pee niye ní nɛ ngɔɔ, nɛ e kɛ ba ha e tsɛ ɔ. E de lɛ ke, “Tsaatsɛ, i kpa mo pɛɛ, tee si nɛ o hi si, nɛ o ye de lo nɛ i kɛ ba a eko, konɛ o gbaa mi.”

Mose I, 27:17

Enɛ ɔ se ɔ, Rebeka ngɔ niye ní nɛ ngɔɔ ɔ, kɛ abolo nɛ e sã a ha Yakob.

Mose I, 27:9

Yaa to tsu ɔ mi, nɛ o ya nu apletsi saminyawiiwi enyɔ kɛ ba nɛ ma kɛ pee niye ní nɛ ngɔɔ kaa bɔ nɛ o tsɛ suɔ ɔ.

Mose I, 27:7

‘Yaa hla de lo kɛ ba nɛ o kɛ ba pee niye ní nɛ ngɔɔ ha mi nɛ ma ye nɛ ma gbaa mo ngɛ Yawɛ hɛ mi loko ma gbo.’

Mose I, 27:4

Kɛ pee niye ní nɛ ngɔɔ kaa bɔ nɛ i suɔ ɔ. Ngɔɔ ba ha mi nɛ ma ye, nɛ ma gbaa mo loko ma gbo.”

Mose I, 25:28

Isak suɔ Esau sane, ejakaa Esau ya gbeɔ de lo ba haa lɛ nɛ e yeɔ; se Rebeka lɛɛ e suɔ Yakob.

Mose I, 27:13

E nyɛ ɔ he nɔ ke, “Ye bi, ha nɛ o gbiɛmi ɔ nɛ ba ye nɔ. Nɔ́ nɛ i de mo ke o pee ɔ, moo lɛɛ moo pee kɛkɛ; yaa nɛ o ya nu apletsi ɔmɛ kɛ ba.”

Mose I, 27:15

Lɔ ɔ se ɔ, Rebeka ya ngɔ Esau tade kpakpa pe kulaa a nɛ ngɛ lɛ Rebeka a dɛ ngɛ we ɔ mi ɔ, nɛ e ngɔ kɛ wo Yakob.