Mose I, 26:4 - BAIBLO ALOO NGMAMI KLƆUKLƆU Ɔ

⁴ Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 26:4 ပူးပေါင်းရင်းမြစ်များ

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Mose I, 35:12

Zugba a nɛ i ngɔ kɛ ha Abraham kɛ Isak ɔ, i kɛ ma ha mo kɛ o nina.”

Mose I, 47:27

Israel bi ɔmɛ hi Goshen zugba a nɔ ngɛ Egipt. A na ní, nɛ a fɔ bimɛ, nɛ a he hiɛ babauu.

Kronika I, 27:23

Matsɛ David kane we nihi nɛ a jeha sui nyingmi enyɔ, ejakaa Yawɛ wo si kaa e ma ha nɛ Israel bi ɔmɛ a he maa hiɛ kaa hiɔwe dodoehi.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose II, 6:4

Jehanɛ se hu, i kɛ mɛ so kaa Kanaan zugba a nɛ a ya to nubwɔ ngɛ nɔ ɔ, ma ngɔ kɛ ha mɛ.

Ni Tsumi 3:25

Si nɛ Mawu wo kɛ gu gbali ɔmɛ a nɔ ɔ, nyɛ nɔ́, nɛ somi nɛ Mawu kɛ nyɛ nɛmɛ ɔmɛ so ɔ, nyɛ piɛ he. Bɔ nɛ e de Abraham ji, ‘Ma gu o nina nɔ nɛ ma gbaa nimli tsuo ngɛ zugba a nɔ.’

Galatabi 3:16

Abraham, kɛ e nina Mawu wo si ɔ nɛ. Ngmami ɔ de we ke, “Kɛ e nina amɛ”, kaa nɔ́ nɛ a he hiɛ, se mohu e de ke, “Kɛ o nina”, nɛ tsɔɔ kaa nɔ kake pɛ; nɛ lɛ ji Kristo.

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

Hebribi 11:2

Hemi kɛ yemi lɛ ha nɛ Mawu ná nihi nɛ hi si blema a a he bua jɔmi.