Mose I, 26:34 - BAIBLO ALOO NGMAMI KLƆUKLƆU Ɔ

³⁴ Benɛ Esau ye jeha nyingmi eywiɛ ɔ, e ngɔ Hit yihewi enyɔ. Mɛ ji Beeri biyo Yudit, kɛ Elon biyo Basemat.

Mose I, 26:34 ပူးပေါင်းရင်းမြစ်များ

Mose I, 36:2

Esau ngɔ Kanaan yihi. Mɛ ji nɛ ɔmɛ nɛ: Hit no ɔ nɛ a tsɛɛ lɛ Elon ɔ biyo Ada, kɛ Hiv no ɔ nɛ a tsɛɛ lɛ Zibeon ɔ bi Ana biyo Oholibama,

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Mose I, 36:5

nɛ Oholibama fɔ Yeush, Yalam, kɛ Kora. Binyumuhi nɛ Esau fɔ ngɛ Kanaan zugba a nɔ ji nɛ ɔmɛ nɛ.

Mose I, 28:9

Lɔ ɔ he ɔ, e pue nɔ kɛ ho Abraham binyumu Ishmael ngɔ ya, nɛ e ya ngɔ Ishmael biyo Mahalat, Nebayot nyɛmiyo ɔ kɛ piɛ e yi ɔmɛ a he.

Mose I, 24:3

ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

Hebribi 12:16

Nɔ ko kó pee e he yaholɔ, loo mu ní tsulɔ kaa Esau, nɔ nɛ jua e tɛte blɔ nya kɛ he niye ní nya mi bɔ kake ɔ.

1 Korintobi 7:2

Se ajuama bɔmi he ɔ, nyumu tsuaa nyumu nɛ ná lɛ nitsɛ e yo, nɛ yo tsuaa yo nɛ ná lɛ nitsɛ e huno.

Mose I, 27:46

Rebeka de Isak ke, “Jehanɛ lɛɛ ma se yiwi nɛ ɔmɛ nɛ Esau ya ngɔ ɔ, a sane ba gbe ye nya. Ke e maa ba mi kaa Yakob hu ma ya ngɔ Hit yihewi nɛ ɔmɛ a ti nɔ ko ɔ, lɛɛ afani nɛ ma gbo mohu.”

Mose I, 28:8

Esau ba yɔse kaa e tsɛ Isak ɔ sume Kanaan yihi.

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”