Mose I, 26:18 - BAIBLO ALOO NGMAMI KLƆUKLƆU Ɔ

¹⁸ Vu ɔmɛ nɛ a tsua ngɛ Isak tsɛ Abraham yi nɔ, nɛ Filisti bi ɔmɛ tsi benɛ Abraham gbo se ɔ, Isak kpale tsua ekohu. Isak wo vu ɔmɛ biɛhi nɛ e tsɛ wo mɛ ɔ kɛ̃.

Mose I, 26:18 ပူးပေါင်းရင်းမြစ်များ

Zakaria 13:2

Jamɛ a be ɔ, ma ha amaga amɛ a biɛ maa laa pɛsɛpɛsɛ, nɛ nɔ ko nɔ ko be mɛ kaie hu ngɛ zugba a nɔ. Ma je gbali ɔmɛ, kɛ mumi yayami ɔmɛ kɛ je zugba a nɔ.

Hosea 2:17

Baal biɛ maa laa lɛ pɛsɛpɛsɛ, nɛ e be e ta woe hu.

La 16:4

Nihi nɛ a he sɔɔ kɛ ya nyɛɛɔ mawu kpahi a se ɔ, a haomi maa hiɛ babauu. I be mɛ futue kɛ pee a tɛlimi kusumi ɔmɛ; i be a biɛ ta woe tete.

Mose IV, 32:38

Nebo, Baal Meon (a tsake biɛ nɛ ɔ), kɛ Sibma. Nɛ a wo mahi nɛ a po ɔ biɛ kpahi.

Mose I, 21:31

Enɛ ɔ he nɛ a wo lejɛ ɔ biɛ ke Beersheba a nɛ, ejakaa lejɛ ɔ ji he nɛ mɛ ni enyɔ ɔmɛ ka a he kita ngɛ.

Mose I, 21:25

Abraham kɛ Abimelek tu munyu ngɛ vu ko nɛ lɛ Abimelek ɔ tsɔli ɔmɛ ba kpɔ pani nya a he.

Mose I, 26:17

Kɛkɛ nɛ Isak je lejɛ ɔ, nɛ e ya ma e bo tsu ɔmɛ ngɛ Gerar kɔ̃ ɔ mi, nɛ e hi lejɛ ɔ.

Mose I, 26:19

Isak nyɔguɛ ɔmɛ tsua vu ko ngɛ Gerar kɔ̃ ɔ mi nɛ a ya na nyu.

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Mose I, 21:30

Abraham he nɔ ke, “Mo he jijɔ kpaago nɛ ɔmɛ ngɛ ye dɛ, nɛ e pee odase kaa imi nɛ i je vu nɛ ɔ.”