Mose I, 26:12 - BAIBLO ALOO NGMAMI KLƆUKLƆU Ɔ

¹² Isak du ní ngɛ jamɛ a zugba a nɔ, nɛ jamɛ a jeha a, e kpa nɔ́ nɛ e du ɔ yi totoe lafa, ejakaa Yawɛ gbaa lɛ.

Mose I, 26:12 ပူးပေါင်းရင်းမြစ်များ

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Marko 4:8

Se wu ɔmɛ ekomɛ ya pue zugba kpakpa nɔ. Mɛɛ lɛɛ a puɛ nɛ a wa, nɛ a wo yiblii, eko nyingmi etɛ, eko nyingmi ekpa, kɛ eko lafa.”

Fiɛlɔ 11:6

Du ní mɔtu kɛ gbɔkuɛ tsuo. O li a kpɛti nɔ́ nɛ maa ba; mɔtu nɔ́ ɔ jio, gbɔkuɛ nɔ́ ɔ jio. Enyɔ ɔmɛ tsuo maa hi jio, o li.

La 67:6

Zugba a ba ní saminya. Mawu gbaa wɔ, wa Mawu ɔ gbaa wɔ.

Mose I, 24:35

Yawɛ gbaa ye nyɔmtsɛ ɔ saminya, nɛ e pee lɛ niatsɛ. Yawɛ ha lɛ tohi, nahi, sika hiɔ, sika tsu, kɛ nyɔguɛhi nyumuhi kɛ yihi, afukpɔngɔhi, kɛ tejihi.

Mose I, 24:1

Jehanɛ lɛɛ Abraham bwɔ kotokoto, nɛ Yawɛ gbaa lɛ, nɛ e nɔ́ tsuaa nɔ́ ya nɔ.

1 Korintobi 3:6

Imi lɛ i ba ma tso ɔ. Apolo ba pue nɔ nyu, se Mawu lɛ ha nɛ tso ɔ wa.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

Hiob 42:12

Yawɛ gbaa Hiob ngɛ nyagbe be nɛ ɔ mi kulaa pe bɔ nɛ e gbaa lɛ kekle ɔ. Hiob ba na to akpe nyɔngma kɛ eywiɛ, afukpɔngɔ akpe ekpa, na blablɛ akpe kɛ teji akpe.

Mose I, 30:30

Benɛ i ba a, lohwe bɔɔ pɛ o ngɛ. Se amlɔ nɛ ɔ lohwe ɔmɛ bɔ, nɛ a he hiɛ babauu; Yawɛ gu ye nɔ nɛ e kɛ gbaa mo babauu. Amlɔ nɛ ɔ, e su be nɛ ma to blɔ nya kɛ ha imi nitsɛ ye we ɔ.”

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

La 72:16

Zugba a nɛ ba ní saminya, nɛ a na blɛfo babauu ngɛ yo ɔmɛ tsuo pɛpɛɛpɛ a nɔ. Á na tso yiblii saminya kaa bɔ nɛ a naa ngɛ Lebanon ɔ. Ma amɛ a mi nɛ hyi tɔ kɛ nimli adesahi kaa nga.

Mateo 13:23

Se wu nɛ ya pue zugba kpakpa nɔ ɔ lɛɛ e daa si ha nihi nɛ nuɔ sɛ gbi ɔ, nɛ a kɔɔ se hulɔ. Mɛ ji ni nɛmɛ nɛ woɔ yiblii ɔ, ni komɛ lafa, ni komɛ nyingmi ekpa, kɛ ni komɛ hu nyingmi etɛ.”

Mose I, 26:29

kaa o be wɔ yayami ko pee, kaa bɔ nɛ wɔ hu wa pee we mo yayami ko ɔ. Wa na mo mɔbɔ, nɛ benɛ o yaa hu wa wo mo blɔ ngɛ tue mi jɔmi mi. Nɔ́ jemi ko be kulaa kaa piɔ lɛɛ Yawɛ gbaa mo.”

Abɛ Womi 10:22

Mawu gbaami lɛ peeɔ nɔ niatsɛ; dengme gbomi kɛ nɔ́ ko nɔ́ ko piɛ we he ha nɔ.

Mose I, 25:11

Benɛ Abraham gbo se ɔ, Mawu gbaa e bi Isak. Jamɛ a be ɔ mi ɔ, Isak hia kɛ ho ma ko mi ya nɛ e ya hi lejɛ ɔ. A tsɛɛ ma nɛ ɔ ke “Hɛ kalɔ ɔ nɛ naa mi ɔ vu.”