Mose I, 25:6 - BAIBLO ALOO NGMAMI KLƆUKLƆU Ɔ

⁶ se benɛ e na we nɛ e gbo lolo ɔ, binyumuhi nɛ e kɛ e yi kpa amɛ fɔ ɔ hu, e ha mɛ nike níhi. Lɔ ɔ se ɔ, e wo bimɛ nɛ ɔmɛ blɔ kɛ ho beleku je zugba a nɔ ya, kɛ je e bi Isak he.

Mose I, 25:6 ပူးပေါင်းရင်းမြစ်များ

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Manyadali 6:3

Be tsuaa be nɛ Israel bi ɔmɛ ma du ní ɔ, Midian, kɛ Amalek bi, kɛ ma amɛ nɛ ngɛ beleku je ɔ ma ba tua mɛ.

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Hiob 1:3

kɛ tsɔli babauu. E ngɛ lohwe nɛ ɔmɛ hulɔ: to akpe kpaago, afukpɔngɔ akpe etɛ, na akpe, kɛ teji yo lafa enuɔ. Lɛ ji nɔmlɔ ngua pe kulaa ngɛ beleku je ma amɛ a mi.

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Manyadali 19:4

E ngatsɛ ɔ tsi e nya, nɛ e ye ligbi etɛ ngɛ e ngɔ. A ye ní, nɛ a nu dã, nɛ a hwɔ lejɛ ɔ.

Mose I, 35:22

Benɛ Yakob ngɛ jamɛ a zugba a nɔ ɔ, Ruben kɛ Bilha, e tsɛ pla amɛ a ti nɔ kake ɔ ya na bɔmi; nɛ Yakob nu he. Yakob ngɛ binyumuhi nyɔngma kɛ enyɔ.

Mose I, 32:22

Jamɛ a nyɔ ɔ mi nɔuu ɔ, Yakob te si, nɛ e kɛ e yihi enyɔ ɔmɛ, kɛ e mawayi enyɔ ɔmɛ, kɛ a bimɛ nyɔngma kɛ kake ɔmɛ po Yabok pa a.

Mose I, 25:1

Abraham ngɔ yo ekohu. A tsɛɛ lɛ Ketura.

Mose I, 16:3

Lɔ ɔ he ɔ, Sarai ngɔ e mawayo Hagar, Egipt no ɔ ngɔ ha e huno Abram kaa e yo. Jamɛ a be ɔ mi ɔ, Abram na jeha nyɔngma momo ngɛ Kanaan zugba a nɔ.

Mose I, 30:9

Benɛ Lea na kaa e fɔmi se po ɔ, e kɛ e mawayo Zilpa ha Yakob kaa e yo,

Mose I, 30:4

Rahel kɛ e mawayo Bilha ha Yakob, nɛ Yakob kɛ lɛ na bɔmi.

Kronika II, 11:21

Yihi tsuo nɛ Rehoboam ngɔ ji nyɔngma kɛ kpaanyɔ, kɛ plãhi hu nyingmi ekpa. E ngɛ binyumuhi nyingmi enyɔ kɛ kpaanyɔ, kɛ biyihi nyingmi ekpa. Nɔ nɛ e suɔ pe kulaa ngɛ e yi ɔmɛ kɛ e plã amɛ a kpɛti ji Absalom biyo Maaka.

Mose I, 29:1

Yakob tsa e blɔ hiami ɔ nɔ kɛ ya si e ya su zugba a nɛ ngɛ beleku je ɔ nɔ.