Mose I, 25:3 - BAIBLO ALOO NGMAMI KLƆUKLƆU Ɔ

³ Yokshan fɔ Sheba kɛ Dedan. Dedan nina ji Ashur bi, Letush bi, kɛ Leum bi.

Mose I, 25:3 ပူးပေါင်းရင်းမြစ်များ

Ezekiel 25:13

Lɔ ɔ he ɔ, i ngɛ dee ke ma gbla Edom tue wawɛɛ; ma kpata nimlihi, kɛ lohwehi tsuo a hɛ mi ngɛ lejɛ ɔ. Nihi babauu maa nɔ ngɛ ta mi kɛ maa je Teman kɛ yaa si Dedan tɔɔ. Nɛ Edom zugba a ma ba pee ma doku.

Ezekiel 27:20

Dedan bi ɔmɛ hu kɛ mo ye jua; a ngɔɔ okpɔngɔ nɔ himi bo kɛ ba tsakee o guɛ ní.

Ezekiel 27:6

Akɔfa amɛ lɛɛ, Bashan tso nguaa amɛ a kɛ hlɔ mɛ. Lɛ nɔ tsu bi ɔ, nga nɔ tso tlɔmɔɔ nɛ je Kipro a kɛ pee lɛ. A topɛ́ tso ɔ mi, nɛ a wo mi suɔ wu.

Yeremia 49:8

Nyɛ Dedan bi, nyɛ plɛ nɛ nyɛɛ tu fo! Nyɛ ya laa nyɛ he ngɛ muɔhi a mi. Ma kpata Esau nina a hɛ mi, ejakaa be ɔ nɛ ma kɛ gbla a tue ɔ, be ɔ su.

Hiob 6:19

Blɔ nyɛɛli nɛ je Sheba kɛ Tema ba hlaa nyu nɛ a nu.

Matsɛmɛ I, 10:1

Benɛ Sheba manyɛ nu bɔ nɛ Salomo he biɛ ha a, e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Samuel II, 2:9

Abner ya wo lɛ matsɛ ngɛ lejɛ ɔ kɛ ha Gilead, Asher, Yezreel, Efraim, Benyamin, kɛ Israel ma amɛ nɛ piɛ ɔ tsuo.

Mose I, 25:2

Abraham kɛ lɛ fɔ Zimran, Yokshan, Medan, Midian, Ishbak, kɛ Shua.

Mose I, 25:4

Midian bimɛ ji Efa, Efer, Hanok, Abida, kɛ Eldaa. Ketura nina ji ni nɛ ɔmɛ tsuo.

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Yesaya 21:13

Sɛ gbi nɛ kɔɔ Arabia he ji nɛ ɔ nɛ. Nyɛ Dedan blɔ hiali a kuu nɛ nyɛ ba pueɔ si ngɛ Arabia nga kplanaa a nɔ,

Ezekiel 27:15

Rodo bi hu kɛ mo ye jua. A ngɔɔ suɔ wu, kɛ tɛ tso kɛ ba tsakee o guɛ ní.