Mose I, 24:7 - BAIBLO ALOO NGMAMI KLƆUKLƆU Ɔ

⁷ Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose I, 24:7 ပူးပေါင်းရင်းမြစ်များ

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

Mose II, 33:2

Ma tsɔ bɔfo ko kɛ nyɛɛ o hɛ mi, nɛ ma fie Kanaan bi, Amor bi, Hit bi, Periz bi, Hiv bi, kɛ Yebus bi ɔmɛ tsuo kɛ je blɔ ɔ nɔ,

Mose I, 13:15

Zugba a nɛ o ngɛ hyɛe ɔ, ma ngɔ lɛ tsuo kɛ ha mo, kɛ o nina, nɛ e maa pee nyɛ nɔ kɛ maa ya neneene.

La 73:24

O maa wo mi ga, nɛ o maa tsɔɔ mi blɔ. Nyagbe ɔ, o ma he mi atuu, nɛ o maa wo ye hɛ mi nyami.

La 32:8

Yawɛ ke, “Ma tsɔɔ mo blɔ nɛ o nyɛɛ nɔ. Ma tsɔɔ mo ní, nɛ ma wo mo ga.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Hebribi 11:9

Hemi kɛ yemi lɛ ha nɛ Abraham ya to nubwɔ ngɛ zugba nɛ Mawu wo lɛ si ke e ma ha lɛ ɔ nɔ be saii. E kɛ Isak, kɛ Yakob nɛ siwo ɔ kɔɔ a he ɔ hi bo tsuhi a mi.

Ni Tsumi 7:5

Mawu ha we Abraham nitsɛ zugba a kpɔ nɛ maa su nane ma he kake tete po. Se Mawu wo lɛ si kaa e ma ha nɛ zugba a ma ba pee e kɛ e nina a nɔ́. Benɛ Mawu wo si nɛ ɔ, Abraham be bi po.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.

Mose V, 34:4

Jehanɛ, Yawɛ de Mose ke, “Zugba a nɛ i wo Abraham, Isak, kɛ Yakob si ke ma ngɔ ha a nina a ji nɛ ɔ nɛ. I ha nɛ o na zugba a kɛ o hɛngmɛ lɛɛ, se be o lejɛ ɔ yae.”

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose IV, 32:11

‘Nyumuhi nɛ a je Egipt kɛ ba, nɛ a ye kɛ je jeha nyingmi enyɔ kɛ yaa a, akɛnɛ a nyɛɛ we ye se kɛ pi si he je ɔ, i ngɛ kita kae kaa ke a ti nɔ ko na zugba a nɛ i wo si ke ma ngɔ kɛ ha Abraham, Isak, kɛ Yakob ɔ fii!

Mose IV, 14:30

a ti nɔ kake be zugba a nɛ i ka kita ke i kɛ ma ha nyɛ nɛ nyɛɛ hi nɔ ɔ nae, ja Yefune bi Kaleb, kɛ Nun bi Yoshua pɛ.

Mose IV, 14:16

‘Yawɛ kpata ma nɛ ɔ hɛ mi ngɛ nga a nɔ, ejakaa e nyɛ we nɛ e kpaka mɛ kɛ ya su zugba a nɛ e wo si ke e maa ngɔ kɛ ha mɛ ɔ nɔ.’

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 17:8

Zugba nɛ o ba to nubwɔ ngɛ nɔ nɛ ɔ, ma ngɔ kɛ ha mo, kɛ o nina. Kanaan zugba a tsuo maa pee o nina nɔ́ kɛ maa ya neneene, nɛ ma pee a Mawu.”

Yona 1:9

Yona ha mɛ heto ke, “Hebri no ji mi, nɛ i jaa Yawɛ, hiɔwe Mawu ɔ, nɔ nɛ pee wo kɛ zugba a.”

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.

Mose I, 16:7

Yawɛ bɔfo ɔ kɛ Hagar kpe ngɛ pa ko nya, ngɛ Shur blɔ ɔ nɔ,

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Mose I, 22:11

Se Yawɛ bɔfo ɔ tsɛ lɛ kɛ je hiɔwe ke, “Abraham! Abraham!” Abraham he nɔ ke, “Ne mi.”

Mose I, 24:3

ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

Mose I, 24:40

E he nɔ ke, ‘Yawɛ nɛ i buɔ lɛ tue daa nɛ ɔ, maa tsɔ e bɔfo ɔ nɛ e kɛ mo maa ya, nɛ e ma ha o blɔ ɔ maa da mo. O ma ya hla yo kɛ ba ha ye bi ɔ kɛ je ye nyɛmimɛ ɔmɛ, kɛ tsaatsɛ weku li ɔmɛ a kpɛti.

Mose IV, 11:12

Imi lɛ i ngɔ nimli nɛ ɔmɛ tsuo a hɔ? Imi lɛ i fɔ mɛ, loko o deɔ mi ke ma hɛɛ mɛ ngɛ ye mi si kaa bimɛanyɛ hɛɛɔ bimwɔyo, kɛ ya zugba nɛ o ka kita ke o maa ngɔ kɛ ha a tsɛmɛ ɔmɛ ɔ nɔ ɔ?

Yoshua 24:3

I ngɔ nyɛ nɛ̃, Abraham kɛ je zugba a nɛ ngɛ Yufrate pa a se ɔ nɔ, nɛ i kpaka lɛ kɛ gu Kanaan zugba a tsuo nɔ, nɛ i ha lɛ nina babauu. I ha lɛ Isak.

La 136:26

Nyɛɛ na Mawu nɛ ngɛ hiɔwe ɔ si; ejakaa e suɔmi ɔ ngɛ kɛ yaa neneene!