Mose I, 24:61 - BAIBLO ALOO NGMAMI KLƆUKLƆU Ɔ

⁶¹ Enɛ ɔ se ɔ, Rebeka kɛ e mawayi ɔmɛ dla, nɛ a kuɔ afukpɔngɔ ɔmɛ, nɛ a kɛ Abraham tsɔlɔ ɔ ho. Bɔ nɛ Abraham tsɔlɔ ɔ ba ngɔ Rebeka kɛ ho ji nɛ ɔ nɛ.

Mose I, 24:61 ပူးပေါင်းရင်းမြစ်များ

La 45:10

Biyo, bu nɔ́ nɛ ma de mo nɛ ɔ tue; o hɛ nɛ je mo nitsɛ o ma mi bi ɔmɛ, kɛ o weku li ɔmɛ tsuo a nɔ;

Mose I, 2:24

Enɛ ɔ he je nɛ nyumu siɔ e tsɛ kɛ e nyɛ, nɛ e ngɔɔ e he ya mɛtɛɛ e yo he nɛ a peeɔ nɔ kake ɔ nɛ.

Ester 8:14

Kaa bɔ nɛ matsɛ ɔ fa a, tsɔli nɛ a he sɔɔ kuɔ okpɔngɔhi esɔesɔ kɛ ho ma amɛ a nɔ ya. A fiɛ mlaa nɛ ɔ ngɛ matsɛ ma Susa a hulɔ.

Ester 8:10

Mordekai hyɛ nɛ a ngma womi ɔmɛ ngɛ Matsɛ Ahasuerus biɛ mi, nɛ a sɔu nya kɛ matsɛ ɔ womi nya sɔumi ga a. Tsɔli nɛ hi okpɔngɔhi nɛ le fo tumi saminya a nɔ ya dla womi ɔmɛ kɛ fo. A hla okpɔngɔ ɔmɛ kɛ je matsɛ ɔ nitsɛ we okpɔngɔ tsu ɔmɛ a mi.

Samuel I, 30:17

E nɔ jena makɛ ɔ, David ya tua mɛ, nɛ e kɛ mɛ hwu kɛ ya si gbɔkuɛ. Nɔ ko nɔ ko he ji mi, kaa ja nihewi lafa eywiɛ nɛ mɛɛ a hi afukpɔngɔ nɔ kɛ tu fo pɛ.

Mose I, 31:34

Rahel ji nɔ nɛ ju wɔ ɔmɛ; e kɛ wɔ ɔmɛ wo e we afukpɔngɔ ɔ se kotoku ɔ mi, nɛ e hi nɔ. Laban hla wɔ ɔmɛ kɛ kpa bo tsu ɔ mi tsuo, se e nɛ.

Mose I, 24:60

A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Mose I, 24:62

Jamɛ a be ɔ mi ɔ, Isak ngɛ nga a nɔ ngɛ Kanaan leneyi je ngɛ he ko nɛ a tsɛɛ ke, “Hɛ kalɔ ɔ nɛ naa mi ɔ vu ɔ.”

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

Samuel I, 25:42

Abigail te si esɔesɔ nɛ e ya hi e teji ɔ nɔ, nɛ e kɛ e mawayi enuɔ ɔmɛ nyɛɛ David tsɔli ɔmɛ a se kɛ ho, nɛ e ya pee e yo.