Mose I, 24:60 - BAIBLO ALOO NGMAMI KLƆUKLƆU Ɔ

⁶⁰ A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Mose I, 24:60 ပူးပေါင်းရင်းမြစ်များ

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 17:16

Ma gbaa lɛ, nɛ ma ha e ma fɔ binyumu ha mo. Ma gbaa lɛ nɛ e maa pee je mahi a nyɛ, nɛ e bimɛ ɔmɛ ekomɛ ma ba pee matsɛmɛ.”

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Mose I, 9:1

Mawu gbaa Noa kɛ e binyumu ɔmɛ, nɛ e de mɛ ke, “Nyɛ fɔ babauu nɛ nyɛ he nɛ hiɛ, nɛ nyɛ hyi je ɔ mi tsuo.

Mose I, 1:28

Mawu gbaa mɛ nɛ e de mɛ ke, “Nyɛ fɔ babauu nɛ nyɛɛ hiɛ; nyɛɛ hyi zugba a nɔ tsuo, nɛ nyɛɛ ye zugba a tsuo nɔ. Nyɛɛ ye lo ɔmɛ, lohwe pɛlitsɛmɛ ɔmɛ, kɛ zugba a nɔ lohwe ɔmɛ tsuo a nɔ.”

Mose III, 25:46

Nyɛ ma nyɛ ma si mɛ kaa gbosi ní ha nyɛ bimɛ, nɛ a ma sɔmɔ mɛ a wami be ɔ tsuo. Se nyɛ sɔuu nyɛ kpɛti kaa Israel fɔfɔɛhi ɔ, nyɛ ko wa nyɛ sibi yi mi.

Mose I, 48:20

Lɔ ɔ he ɔ, Yakob gbaa nyumuwi ɔmɛ jamɛ a ligbi ɔ, nɛ e de ke, “Israel bi ɔmɛ maa ngɔ nyɛ biɛ kɛ gbaa nihi. A ma de ke, ‘Mawu nɛ ha nɛ nyɛɛ pee kaa Efraim kɛ Manase.’ ” Kikɛ nɛ ɔ Yakob pee kɛ ngɔ Manase nɔkɔtɔma blɔ nya a kɛ ha Efraim.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Mose V, 21:19

“Ke bi ko ngɛ kaa ja a, e fɔli ɔmɛ nɛ a ngɔ lɛ kɛ ya ha ma nimeli ɔmɛ ngɛ ma a mi he nɛ e ngɛ ɔ, nɛ a kojo lɛ.

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 24:61

Enɛ ɔ se ɔ, Rebeka kɛ e mawayi ɔmɛ dla, nɛ a kuɔ afukpɔngɔ ɔmɛ, nɛ a kɛ Abraham tsɔlɔ ɔ ho. Bɔ nɛ Abraham tsɔlɔ ɔ ba ngɔ Rebeka kɛ ho ji nɛ ɔ nɛ.

Mose I, 32:1

Benɛ Yakob ngɛ blɔ ɔ nɔ kɛ yaa a, e kɛ Mawu bɔfo komɛ kpe.

Yeremia 29:6

Nyɛɛ ngɔ yihi nɛ nyɛ fɔ binyumuhi kɛ biyihi. Nyɛɛ ngɔ yihi ha nyɛ binyumu ɔmɛ, nɛ nyɛ ha nyɛ biyi ɔmɛ gba, konɛ mɛ hu a fɔ bimɛ. Nyɛɛ bɔ ngɛ lejɛ ɔ; nyɛ nɔ nɛ ko gbɔ.