Mose I, 24:32 - BAIBLO ALOO NGMAMI KLƆUKLƆU Ɔ

³² Laban kɛ nyumu ɔ ba we ɔ mi; e je tlomi ɔmɛ ngɛ afukpɔngɔ ɔmɛ a se mi, nɛ e ha mɛ nga kɛ niye ni kpa komɛ. E ya yɛ nyu kɛ ba ha Abraham tsɔlɔ ɔ, kɛ e we bi ɔmɛ nɛ a fɔ a nanehi a he.

Mose I, 24:32 ပူးပေါင်းရင်းမြစ်များ

Manyadali 19:21

E ngɔ mɛ kɛ ho e we mi ya, nɛ e ya ha teji ɔmɛ ní. Lɔ ɔ se ɔ, a fɔ a nanehi a he, nɛ a ye ní, nɛ a nu dã.

Mose I, 43:24

Tsɔlɔ ɔ kɛ nyɛmimɛ ɔmɛ ba Yosef we ɔ mi. E ha mɛ nyu nɛ a kɛ fɔ a nanehi a he, nɛ e ha a teji ɔmɛ ní.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

Luka 7:44

Jehanɛ, e plɛ e hɛ mi kɛ kpee yo ɔ, nɛ e de Simon ke, “Tse o ngɛ yo nɛ ɔ hyɛe? Nɛ i ba sɛ o we ɔ mi ɔ, o ha we mi nyu nɛ ma kɛ fɔ ye nane he, se lɛɛ e kɛ vo nyu fɔ ye nane he, nɛ e kɛ e yi bwɔmi tsu.

Mose I, 19:2

nɛ e de ke, “Ye nyɔmtsɛmɛ, i kpa nyɛ pɛɛ, nyɛ gba ye we ɔ mi nɛ nyɛ ba to mi. Nyɛ ba fɔ nyɛ nanehi a he nɛ nyɛɛ hwɔ hiɛ ɔ, konɛ nyɛɛ te si makɛ nɛ nyɛ tsa nyɛ nyɛɛmi ɔ nɔ.” Se a he nɔ ke, “Dɛbi, wa maa hwɔ ma nɔ hiɛmɛ nɛ ɔ kɛkɛ.”

Samuel I, 25:41

Abigail kpla si nɛ e kɛ e hɛ mi bu zugba nɛ e de ke, “O nɛ, imi ji ye nyɔmtsɛ ɔ mawayo ɔ nɛ ma fɔ e tsɔli ɔmɛ a nane he ɔ nɛ.”

Mose I, 24:33

Jehanɛ, a kɛ niye ní ba ma Abraham tsɔlɔ ɔ hɛ mi. Se e de ke, “I be ní yee; ja i bɔ nyɛ ye nyɛɛmi mi amaniɛ loko ma ye ní.” Laban de lɛ ke, “Yoo, wa hiɛ jɔ.”

Mose I, 29:13

Benɛ Laban nu e wɔfase Yakob he ɔ, e tu fo ya kpee lɛ, nɛ e pee lɛ atuu; e fiɔ e nya he, nɛ e kɛ lɛ ba we mi. Benɛ Yakob bɔ Laban nɔ́ tsuaa nɔ́ nɛ ba a,