Mose I, 24:3 - BAIBLO ALOO NGMAMI KLƆUKLƆU Ɔ

³ ngɛ Yawɛ, hiɔwe kɛ zugba Mawu ɔ biɛ mi, kaa o be yo hlae kɛ ha ye binyumu Isak kɛ je Kanaan bi ɔmɛ nɛ i kɛ mɛ ngɛ ɔ a kpɛti.

Mose I, 24:3 ပူးပေါင်းရင်းမြစ်များ

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 14:22

Abram he nɔ ke, “I na Mawu Hiɔwe No ɔ, nɔ nɛ pee hiɔwe kɛ zugba a,

Mose I, 21:23

Lɔ ɔ he ɔ, ka mi kita ngɛ Mawu hɛ mi ngɛ hiɛmɛ nɛ ɔ, kaa o be imi, aloo ye bimɛ, aloo ye nina sisie kɔkɔɔkɔ. Kaa bɔ nɛ i kɛ mo hi si saminya a, mo hu o kɛ imi, kɛ zugba a nɛ o ba to nubwɔ ngɛ nɔ ɔ nɛ hi si ja nɔuu.”

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose I, 27:46

Rebeka de Isak ke, “Jehanɛ lɛɛ ma se yiwi nɛ ɔmɛ nɛ Esau ya ngɔ ɔ, a sane ba gbe ye nya. Ke e maa ba mi kaa Yakob hu ma ya ngɔ Hit yihewi nɛ ɔmɛ a ti nɔ ko ɔ, lɛɛ afani nɛ ma gbo mohu.”

Mose I, 28:1

Isak tsɛ Yakob, nɛ e gbaa lɛ, nɛ e de lɛ ke, “Koo ngɔ Kanaan yo.

Mose I, 28:8

Esau ba yɔse kaa e tsɛ Isak ɔ sume Kanaan yihi.

Mose I, 34:9

Nyɛ ha nɛ wa ha wa he gba; nyɛɛ kɛ nyɛ biyi ɔmɛ ha wɔ, konɛ nyɛ hu nyɛɛ ngɔ wa biyi ɔmɛ.

Mose I, 38:2

Yuda ya na Kanaan yiheyo ko ngɛ lejɛ ɔ nɛ a tsɛɛ e tsɛ biɛ ke Shua. E ngɔ lɛ,

Mose I, 47:31

Yakob de Yosef ke, “Ka mi kita kaa o maa pee ja.” Yosef ka lɛ kita kaa e maa pee ja. Kɛkɛ nɛ Yakob kpla si ngɛ e sa a yiti je, nɛ e na si.

Mose I, 50:25

Kɛkɛ nɛ Yosef ha nɛ e we bi ɔmɛ ka lɛ kita. E de mɛ ke, “Nyɛɛ wo mi si kaa ke Mawu ba kpaka nyɛ kɛ yaa jamɛ a zugba a nɔ ɔ, nyɛ maa ngɔ ye flɔ̃ ɔ kɛ ho.”

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Mose I, 6:4

Jamɛ a be ɔ mi, benɛ Mawu binyumu ɔmɛ kɛ nimli a biyi ɔmɛ, ba na bɔmi, nɛ a kɛ mɛ bɔni fɔmi ɔ, oblaihi ngɛ je ɔ mi. Mɛ ji blema katsɛmɛ, kɛ nimli nɛ a he biɛ.

Matsɛmɛ II, 19:15

nɛ e fa kue ha Yawɛ ke, “Yawɛ, Israel Mawu lee, mo nɛ o hii si ngɛ o matsɛ sɛ ɔ nɔ ngɛ kerub ɔmɛ a yi mi lokoo. Mo nɔ kake too ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba.

Kronika II, 2:12

Á je Yawɛ, Israel Mawu nɛ bɔ hiɔwe kɛ zugba a yi! E ha Matsɛ David bi ní lelɔ; nɔ nɛ hɛ mi ka si, nɛ e ngɛ juɛmi; nɔ nɛ ma ba po we ha Yawɛ, nɛ e maa ma lɛ nitsɛ hu e we.

Ezra 5:11

“Heto nɛ a ha wɔ ji, ‘Hiɔwe kɛ zugba Mawu ɔ tsɔli ji wɔ. We nɛ Israel matsɛ nguaa ko ma nɛ e gbe nya blema lokoo ɔ, lɔ ɔ wa ngɛ mae ekohu.

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Nehemia 9:6

Nɛ a sɔle ke, “Yawɛ, mo nɔ kake pɛ ji Yawɛ, mo nɛ o pee hiɔwe ɔ, kɛ dodoe ɔmɛ ngɛ kɔɔhiɔ mi. Mo nɛ o pee zugba kɛ wo, kɛ nɔ́ tsuaa nɔ́ nɛ ngɛ a mi, nɛ o ha mɛ tsuo wami. Hiɔwe ta a kplaa si haa mo, nɛ a jaa mo.

La 115:15

Yawɛ nɛ bɔ hiɔwe kɛ zugba a, é gbaa nyɛ.

La 136:26

Nyɛɛ na Mawu nɛ ngɛ hiɔwe ɔ si; ejakaa e suɔmi ɔ ngɛ kɛ yaa neneene!

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose II, 22:11

nɔ nɛ a ha lɛ nɔ́ si tomi ɔ nɛ ya ka Yawɛ kita ha e nyɛmi ɔ kaa e nine tɛ lohwe ɔ he. Ke e pee ja a, kɛkɛ lɛɛ e sa nɛ lohwetsɛ ɔ nɛ kplɛɛ nɔ kaa e nyɛmi ɔ be nane mi ko nɛ e toɔ.

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Yesaya 48:1

Israel ma, Yuda nina, nyɛɛ bu nɔ́ nɛ ɔ tue; nyɛ nɛ nyɛ ngɔɔ Yawɛ biɛ kɛ kaa kita, nɛ nyɛ tsiɔ Israel Mawu ɔ ta ke nyɛ ngɛ lɛ jae, pi anɔkuale mi, se nya mi gu.

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

Yeremia 10:11

Nyɛ de mɛ ke, jamɛ a mawu ɔmɛ nɛ a ngɛ jae, nɛ pohu pi mɛ nɛ a pee hiɔwe kɛ zugba a, a hɛ mi ma kpata. A be mɛ nae ngɛ je ɔ mi he ko he ko hu.

Yeremia 12:16

Je ma nɛ ɔmɛ tsɔɔ ye ma a, nɛ a kɛ Baal biɛ kaa kita. Ke a ma kpa a yi mi, nɛ a maa ngɔ mi kɛ pee a Mawu ngɛ Baal nane mi, nɛ a kɛ ye biɛ ma ka kita ja a, lɛɛ a maa bu mɛ ngɔ si ye ma mi bi ɔmɛ a nɔ.

Yeremia 29:6

Nyɛɛ ngɔ yihi nɛ nyɛ fɔ binyumuhi kɛ biyihi. Nyɛɛ ngɔ yihi ha nyɛ binyumu ɔmɛ, nɛ nyɛ ha nyɛ biyi ɔmɛ gba, konɛ mɛ hu a fɔ bimɛ. Nyɛɛ bɔ ngɛ lejɛ ɔ; nyɛ nɔ nɛ ko gbɔ.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Mose III, 19:12

“Nyɛ ko ngɔ ye biɛ kɛ ka lakpa kita kɛ wo ye biɛ he mu. Imi ji Yawɛ, nyɛ Mawu ɔ nɛ.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.

Mose IV, 5:21

Osɔfo ɔ nɛ ka kita nɛ e kɛ gbiɛ yo ɔ, nɛ e de lɛ ke, ‘Yawɛ nɛ ha nɛ o plɛ pee gbiɛmi, kɛ nɔ́ nɛ a kɛ ma ka kita ngɛ o ma mi bi ɔmɛ a kpɛti. Yawɛ nɛ ha nɛ o mi nɛ fu nɛ o mi si nɛ nɔ mi.

1 Korintobi 7:39

Yogbayo ɔ, be abɔ nɛ e huno ngɛ je mi kɛ mwɔɔ ɔ, mlaa fi lɛ. Ke e huno ɔ gbo ɔ, lɔ ɔ lɛɛ e ngɛ he blɔ nɛ e gbaa nɔ tsuaa nɔ nɛ e suɔ. Se kɛ̃ ɔ, e sa kaa nyumu ɔ nɛ pee nɔ ko nɛ le Nyɔmtsɛ ɔ.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Hebribi 6:16

Ke nɔ ko ma ka kita a, e ngɔɔ nɔ ko nɛ pe lɛ biɛ kɛ kaa, nɛ e kɛ maa munyu nɛ e tu ɔ nɔ mi.

Yoshua 2:12

Lɔ ɔ he ɔ, nyɛ ka mi kita ngɛ Yawɛ biɛ mi kaa bɔ nɛ i pee nyɛ kpakpa nɛ ɔ, nyɛ hu nyɛ maa pee ye weku li kpakpa ja nɔuu, nɛ nyɛ maa to mi okadi ko.

Manyadali 14:3

Se e tsɛ kɛ e nyɛ bi lɛ ke, “Anɛ yo ko yo ko be o nyɛmimɛ ɔmɛ a biyi ɔmɛ, kɛ wa ma mi bi ɔmɛ tsuo a kpɛti, loko o yaa ngɔ yo ngɛ Filisti bi mɔmlɔtɔtsɛmɛ nɛ ɔmɛ a kpɛti ɔ?” Samson de e tsɛ ɔ ke, “Yaa nɛ o ya bi e si ha mi, ejakaa i suɔ lɛ.”

Samuel I, 20:17

Yonatan ha David kpale ka lɛ kita ekohu kaa e suɔ lɛ, ejakaa lɛ, Yonatan ɔ nitsɛ e suɔ David kaa bɔ nɛ e suɔ lɛ nitsɛ e he.

Samuel I, 30:15

David bi lɛ ke, “Anɛ o ma nyɛ maa tsɔɔ mi he nɛ nimli nɛ ɔmɛ ngɛ lo?” Niheyo ɔ he nɔ ke, “Ke o maa wo si ngɛ Mawu biɛ mi kaa o be mi gbee, nɛ jehanɛ hu, o be mi jee kɛ wo ye nyɔmtsɛ ɔ dɛ mi ɔ, lɛɛ i kɛ mo maa ya.”