Mose I, 24:27 - BAIBLO ALOO NGMAMI KLƆUKLƆU Ɔ

²⁷ E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Mose I, 24:27 ပူးပေါင်းရင်းမြစ်များ

Mose I, 24:48

I kpla si nɛ i ja Yawɛ. I je Yawɛ, ye nyɔmtsɛ Abraham Mawu ɔ yi kaa e kpaka mi tɛɛ kɛ ba ye nyɔmtsɛ ɔ weku no ɔ ngɔ, nɛ i ba na e biyo ɔ nɛ ma ba pee ye nyɔmtsɛ ɔ binyumu ɔ yo ɔ.

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.

Mose I, 24:12

Tsɔlɔ ɔ fa kue ha Yawɛ ke, “Yawɛ, ye nyɔmtsɛ Abraham Mawu! I kpa mo pɛɛ, ha nɛ ma ye manye mwɔnɛ ɔ, nɛ o je o suɔmi kpo ha ye nyɔmtsɛ Abraham.

Samuel I, 25:32

David de Abigail ke, “Yawɛ, Israel Mawu ɔ, nɔ nɛ tsɔ mo mwɔnɛ ligbi nɛ ɔ ke o kɛ mi nɛ ba kpe ɔ, a je e yi.

Rut Womi 4:14

Nɛ huza a nɔ yi ɔmɛ de Naomi ke, “Nyɛ ha wa je Yawɛ yi kaa e ha mo bibi mwɔnɛ ɔ nɛ e ba ye o se. Yawɛ nɛ ha nɛ e na biɛ kpakpa ngɛ Israel.

Mose II, 18:10

nɛ e de ke, “A je Yawɛ, nɔ nɛ je nyɛ kɛ je Farao ɔ kɛ Egipt bi ɔmɛ a dɛ mi ɔ yi.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

Samuel II, 18:28

Ahimaaz kpa ngmlaa nɛ e de matsɛ ɔ ke, “Manye oo, manye!” Kɛkɛ nɛ e ba kpla si ngɛ matsɛ ɔ hɛ mi nɛ e kɛ e hɛ mi bu si, nɛ e de ke, “Nɛnɛ! A je Yawɛ, o Mawu ɔ yi. Nihi nɛ te si ngɔ wo mo ɔ, Yawɛ ha o ye a nɔ.”

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Abɛ Womi 8:20

Dami blɔ nɔ lɛ i nyɛɛɔ; dami sane lɛ i yeɔ.

La 68:19

Nyɛ je Nyɔmtsɛ ɔ yi. Daa nɛ ɔ, e yeɔ wa sane haa wɔ. Lɛ Mawu ɔ nɔuu ji nɔ nɛ heɔ wa yi wami.

Samuel I, 25:39

Benɛ David nu kaa Nabal gbo ɔ, e de ke, “A je Yawɛ yi! E wo Nabal hiɔ ngɛ jɛmi nɛ e jɛ mi ɔ he. Jehanɛ hu e tsi ye nya konɛ ma ko pee yayami. Yawɛ wo Nabal nitsɛ e yayami ɔ he hiɔ.” Pee se ɔ, David tsɔ ke a ya su Abigail ha lɛ.

Mose II, 2:13

E nɔ jena a, benɛ Mose je kpo ekohu ɔ, e ya na Hebri bi enyɔ nɛ a ngɛ kunɔ nɔe. E bi nɔ nɛ nɔ́ dɛ ɔ ke, “Mɛni he je nɛ o ngɛ o nyɛmi ɔ nɔ fiae?”

Mose II, 2:11

Benɛ Mose ba wa a, e je kpo ligbi ko kɛ ho e nyɛmimɛ Hebri bi ɔmɛ a ngɔ ya, nɛ e ya hyɛ pɔtɔ, kɛ dengme ní tsumi kpakpataa nɛ a ngɛ tsue ɔ. E na Egipt no ko nɛ ngɛ e nyɛmimɛ Hebri bi ɔmɛ a ti nɔ kake gbee.

Mose I, 24:42

“Benɛ i ba su vu ɔ he mwɔnɛ ɔ, i fa kue ha Yawɛ ke, ‘Yawɛ, ye nyɔmtsɛ Abraham Mawu, ke o ngɛ hlae nɛ o ha nɛ ye blɔ nyɛɛmi ɔ nɛ da mi ɔ,

Mose I, 24:21

Nyumu ɔ pee dii kɛ ngɛ lɛ hyɛe kaa e maa na kaa Yawɛ gbaa e blɔ hiami ɔ nɔ, nɛ e ye manye lo.

Mose I, 24:4

Mohu ɔ, o maa kpale o se kɛ ya zugba nɔ he nɛ a fɔ mi ngɛ ɔ, nɛ o ya hla yo ngɛ ye nyɛmimɛ ɔmɛ a kpɛti ba ha ye bi Isak.”

Mose I, 14:20

Mawu Hiɔwe No nɛ ha o ye o he nyɛli ɔmɛ a nɔ ɔ, a je e yi!” Abram ha Melkizedek niha ní nɛ e ya kpɔ ɔ tsuo mi dlami nyɔngma mi kake.

Mose I, 13:8

Abram de Lot ke, “Nyɛmimɛ ji wɔ; wa ko pɛ, nɛ wa ko ha nɛ pɛ ba sɛ wa lohwe nɔ hyɛli ɔmɛ hu a kpɛti.

Mose I, 9:26

A je Yawɛ, Shem Mawu ɔ yi! Kanaan maa pee Shem nyɔguɛ.

Mose I, 32:11

I kpa mo pɛɛ nɛ o je mi kɛ je ye nyɛmi Esau dɛ mi. I ngɛ gbeye yee kaa e ma ba tua wɔ nɛ e ma kpata waa kɛ wa yi ɔmɛ, kɛ wa bimɛ ɔmɛ tsuo wa hɛ mi.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.