Mose I, 24:12 - BAIBLO ALOO NGMAMI KLƆUKLƆU Ɔ

¹² Tsɔlɔ ɔ fa kue ha Yawɛ ke, “Yawɛ, ye nyɔmtsɛ Abraham Mawu! I kpa mo pɛɛ, ha nɛ ma ye manye mwɔnɛ ɔ, nɛ o je o suɔmi kpo ha ye nyɔmtsɛ Abraham.

Mose I, 24:12 ပူးပေါင်းရင်းမြစ်များ

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Matsɛmɛ II, 2:14

E kɛ Eliya tade ɔ fia nyu ɔ mi, nɛ e bi ke, “Jije Yawɛ, Eliya Mawu ɔ ngɛ?” E ngɔ tade ɔ kɛ fia nyu ɔ mi ekohu, nɛ nyu ɔ mi gba kɛ ya hiɛ kɛ hiɛ; nɛ e nyɛɛ kɛ be.

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

Mose II, 3:6

E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 24:48

I kpla si nɛ i ja Yawɛ. I je Yawɛ, ye nyɔmtsɛ Abraham Mawu ɔ yi kaa e kpaka mi tɛɛ kɛ ba ye nyɔmtsɛ ɔ weku no ɔ ngɔ, nɛ i ba na e biyo ɔ nɛ ma ba pee ye nyɔmtsɛ ɔ binyumu ɔ yo ɔ.

Mose I, 24:42

“Benɛ i ba su vu ɔ he mwɔnɛ ɔ, i fa kue ha Yawɛ ke, ‘Yawɛ, ye nyɔmtsɛ Abraham Mawu, ke o ngɛ hlae nɛ o ha nɛ ye blɔ nyɛɛmi ɔ nɛ da mi ɔ,

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

Mateo 22:32

‘Imi ji Abraham Mawu, kɛ Isak Mawu, kɛ Yakob Mawu.’ Mawu ɔ, hɛ kali a Mawu ji lɛ, pi ni gbogboehi a Mawu.”

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

La 127:1

Ke pi Yawɛ nɛ maa tsu ɔ, tsu mali gboɔ yaka dengme. Ke pi Yawɛ nɛ buɔ ma he ɔ, bulɔ fɔɔ nyɔ yaka gu kɛ buɔ ma he.

La 122:6

Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

La 118:25

Yawɛ, wa kpa mo pɛɛ, he wa yi wami koo! Yawɛ, wa kpa mo pɛɛ, ha nɛ waa ye kunimi koo!

La 37:5

Ngɔɔ o he kɛ ha Yawɛ; ngɔɔ o hɛ kɛ fɔ e nɔ, nɛ e maa piɛ o he.

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.

Mose I, 43:14

Mawu Ope ɔ nɛ ha nɛ nyumu ɔ nɛ na nyɛ mɔbɔ, konɛ e ngmɛɛ Benyamin, kɛ nyɛ nyɛmi kaketsɛ ɔ he ha nyɛ. Imi lɛɛ ke ji ye bimɛ ma gbo kɛ wo mi aywilɛho po, e ba mi ja.”

Mose I, 32:9

Kɛkɛ nɛ Yakob fa kue ha Mawu ke, “Mawu lee! Nɛnɛ Abraham Mawu, kɛ tsaatsɛ Isak Mawu! Yawɛ, mo lɛ o de mi ke ma kpale ye se kɛ ba ye zugba nɔ, ngɛ ye weku li a ngɔ, nɛ o maa pee mi saminya.

Mose I, 31:42

Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 27:20

Isak bi Yakob ke, “Kɛ e ba lɛ kɛɛ loko o he sɔ kɛ ná lo ɔ kikɛ nɛ ɔ?” Yakob he nɔ ke, “Yawɛ, o Mawu ɔ nɛ je lɛ ha mi.”

Mose I, 27:10

O kɛ niye ní ɔ ma ya ha o tsɛ nɛ e ye, konɛ e gbaa mo loko e gbo.”

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 24:21

Nyumu ɔ pee dii kɛ ngɛ lɛ hyɛe kaa e maa na kaa Yawɛ gbaa e blɔ hiami ɔ nɔ, nɛ e ye manye lo.

Mose I, 32:10

Mɔbɔ nami nɛ se pui gblegbleegble nɛ o je kpo ngɔ ha mi ɔ, i sɛ. Benɛ ma po Yordan pa a, dɛma tso pɛ i hɛɛ ngɛ ye dɛ mi; se piɔ lɛɛ i kpale ba kɛ asafo kuu enyɔ nɛ ɔmɛ.