Mose I, 24:10 - BAIBLO ALOO NGMAMI KLƆUKLƆU Ɔ

¹⁰ Tsɔlɔ ɔ nɛ hyɛɛ Abraham weto níhi a nɔ ɔ, ngɔ e nyɔmtsɛ ɔ we afukpɔngɔ nyɔngma, nɛ e mia mɛ kɛ e nyɔmtsɛ ɔ nike ní kpakpa, nɛ e pue nɔ kɛ ho Nahor e ma a mi ya, ngɛ Mesopotamia.

Mose I, 24:10 ပူးပေါင်းရင်းမြစ်များ

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.

Mose I, 11:31

Tera ngɔ e binyumu Abram, kɛ e bibi Lot, Haran binyumu ɔ, kɛ e nganyɛ Sarai, Abram yo ɔ, nɛ e kɛ mɛ je Ur ngɛ Babilonia kɛ yaa Kanaan. Se benɛ a su ma a nɛ a tsɛɛ Haran ɔ, a ya to lejɛ ɔ.

Ni Tsumi 2:9

Wa je Partia, kɛ Media, kɛ Elam; wa ti ni komɛ je Mesopotamia, Yudea, Kapadokia, Ponto, kɛ Asia;

Kronika I, 19:6

Benɛ Matsɛ Hanun kɛ Amon bi ɔmɛ na kaa a ya hla munyu ngɛ David he ɔ, a tsɔ nɛ a kɛ sika hiɔ kilo nyingmi akpe etɛ kɛ eywiɛya bɔ ta zugba lɛhi, kɛ ta buli apaa kɛ je Mesopotamia yiti je, kɛ Maaka kɛ Zoba ngɛ Siria.

Mose I, 29:1

Yakob tsa e blɔ hiami ɔ nɔ kɛ ya si e ya su zugba a nɛ ngɛ beleku je ɔ nɔ.

Mose I, 27:43

Lɔ ɔ he ɔ, ye bi, bu tue! Tuu fo esɔ kɛ ya ye nyɛminyumu Laban ngɔ ngɛ Haran.

Mose I, 24:2

Ligbi ko ɔ, e de e tsɔlɔ nɔkɔtɔma nɛ hyɛɛ lɛ Abraham ɔ níhi tsuo a nɔ ɔ ke, “Ngɔɔ o nine ba wo ye fiɔ enyɔ ɔmɛ a kpɛ, nɛ o ka mi kita

Mose I, 11:29

Abram ngɔ Sarai, nɛ Nahor ngɔ Milka, Haran biyo ɔ. Haran ji Milka kɛ Iska tsuo a tsɛ.

Mose I, 11:32

Tera gbo ngɛ Haran benɛ e ye jeha lafa enyɔ kɛ enuɔ.

Mose I, 24:22

Benɛ afukpɔngɔ ɔmɛ nu nyu ɔ ta a, nyumu ɔ je sika tsu ga ko nɛ he jua wa kpo, nɛ e kɛ wo Rebeka gugwɔ mi. E kɛ sika tsu kɔni si ga agboagbo enyɔ hu wo Rebeka kɔni si.

Mose I, 24:53

Lɔ ɔ se ɔ, e je sika hiɔ, sika tsu, june níhi, kɛ tadehi kpo, nɛ e kɛ ha Rebeka. Jehanɛ, e ha Rebeka nyɛminyumu ɔ, kɛ e nyɛ hu nike níhi nɛ a he jua wa.

Mose I, 29:2

Tlukaa a, e ya pã vu ko nɔ ngɛ nga a nɔ, nɛ to kuu etɛ hwɔɔ si kɛ bɔle vu ɔ. Jamɛ a vu ɔ mi nɛ a yɛɛ nyu ngɛ kɛ haa tohi nɛ a nuɔ, nɛ tɛ agbo ko ngɛ vu ɔ nya.

Mose I, 11:26

Benɛ Tera ye jeha 70 ɔ, e fɔ binyumuhi etɛ: Abram, Nahor, kɛ Haran.

Mose I, 22:20

Pee se ɔ, Abraham nu kaa Milka kɛ lɛ Abraham ɔ nyɛminyumu Nahor fɔ binyumuhi. A biɛhi ji nɛ ɔmɛ nɛ, kɛ je Tɛte nɔ kɛ yaa: