Mose I, 23:2 - BAIBLO ALOO NGMAMI KLƆUKLƆU Ɔ

² nɛ e gbo ngɛ Kiriat Arba. Kiriat Arba biɛ kpa ji Hebron, nɛ e ngɛ Kanaan zugba a nɔ. Abraham ye Sara kɔmɔ, nɛ e nyɛ ya ha lɛ.

Mose I, 23:2 ပူးပေါင်းရင်းမြစ်များ

Mose I, 23:19

Enɛ ɔ se ɔ, Abraham ya pu e yo Sara ngɛ jamɛ a tɛ puɔ ɔ mi ngɛ Kanaan zugba a nɔ.

Mose I, 13:18

Lɔ ɔ he ɔ, Abram gbɛ e bo tsu ɔ, nɛ e ba hi tso ngua amɛ a kasa nya ngɛ Mamre, ngɛ Hebron. Nɛ e ma bɔ sami la tɛ ha Yawɛ, nɛ e ja lɛ ngɛ lejɛ ɔ.

Kronika I, 6:57

Mahi nɛ a ngɔ kɛ ha Aaron nina kɛ piɛ Hebron he ji wesa he ma nɛ ɔmɛ, kɛ kɔpehi nɛ bɔle ma nɛ ɔmɛ: Libna, Yatir, Eshtemoa, Hilen, Debir, Ashan, kɛ Bet Shemesh.

Manyadali 1:10

Jehanɛ, Yuda bi ɔmɛ ya tua Kanaan bi nɛ ngɛ Hebron nɛ sa a, e biɛ ji Kiriat Arba a, nɛ a gbe Sheshai, Ahiman, kɛ Talmai bi ɔmɛ.

Ni Tsumi 8:2

Nyumuhi Mawu gbeye yeli komɛ ya dla Stefano gbogboe ɔ, nɛ a nyɛ ya ha lɛ kɛ awe nyami.

Yohane 11:35

Yesu fo ya.

Yohane 11:31

Yuda bi ɔmɛ nɛ kɛ Maria ngɛ we ɔ mi, nɛ a ngɛ lɛ kɔmɔ yee ɔ na bɔ nɛ e te si nɛ e sá e he kɛ je kpo, nɛ a nyɛɛ e se. A susu kaa e yaa yɔkɔ ɔ he nɛ e ya fo ya ngɛ lejɛ ɔ.

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Yeremia 22:10

Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Kronika II, 35:25

Gbalɔ Yeremia hu po kɔmɔ yemi la ko ngɛ Matsɛ Yosia he. Nɛ kɛ je jamɛ a be ɔ kɛ ba si mwɔnɛ ligbi nɛ ɔ, lali ɔmɛ tsuo, nyumuhi kɛ yihi laa la nɛ ɔ nɛ a kɛ kaiɔ e gbenɔ ɔ. Nɔ́ nɛ ɔ ba plɛ pee kusumi ngɛ Israel. La nɛ ɔ piɛ kɔmɔ yemi asilɛhi nɛ a bua nya a a he.

Samuel II, 5:5

E hi Hebron kɛ ye Yuda nɔ matsɛ jeha kpaago kɛ fa; nɛ e hi Yerusalem kɛ ye Israel kɛ Yuda tsuo a nɔ matsɛ jeha nyingmi etɛ kɛ etɛ.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Samuel II, 2:11

Nɛ David ye matsɛ ngɛ Hebron kɛ ha Yuda wɛtso ɔ jeha kpaago kɛ nyɔhiɔ ekpa.

Samuel II, 1:17

David la aywilɛho la nɛ ɔ kɛ nyɛ ya ha Saul kɛ e bi Yonatan,

Samuel II, 1:12

A wo yana, nɛ a ye kɔmɔ, nɛ a ha hwɔ kɛ ya si gbɔkuɛ. A wo yana kɛ ha Saul kɛ e bi Yonatan, kɛ Israel, Yawɛ ma a; ejakaa nimli babauu gbo ngɛ ta a mi.

Samuel I, 28:3

Samuel ba gbo, nɛ Israel tsuo nyɛ ya ha lɛ nɛ a ya pu lɛ ngɛ Rama nɛ ji lɛ nitsɛ e ma a mi. Nɛ Saul fie ní peeli, kɛ klamɔhi tsuo kɛ je zugba a nɔ.

Samuel I, 20:31

Anɛ o li kaa ligbi abɔ nɛ David ngɛ je mi ɔ, o be matsɛ yee gblegbleegble ngɛ zugba nɛ ɔ nɔ lo? Yaa nɛ o ya ngɔ lɛ kɛ ba hiɛ ɔ; ja e gbo!”

Yoshua 20:7

Lɔ ɔ he ɔ, ngɛ Yordan pa a bonyoku je ɔ, mahi nɛ a hla kaa wesa hehi ji nɛ ɔmɛ nɛ: Kedesh ngɛ Galilea, ngɛ Naftali yo ɔ nɔ; Shekem ngɛ Efraim yo ɔ nɔ, kɛ Kiriat Arba ngɛ Yuda yo ɔ nɔ. Kiriat Arba biɛ kpa ji Hebron.

Yoshua 10:39

E ngɔ ma a, matsɛ ɔ, kɛ kɔpehi nɛ bɔle ma a. A gbe nɔ tsuaa nɔ, nɛ nɔ kake po píɛ. Bɔ nɛ Yoshua pee Hebron, kɛ Libna, kɛ a matsɛmɛ ɔmɛ ɔ, ja nɔuu e pee Debir, kɛ Debir matsɛ ɔ.

Mose V, 34:8

Israel ma a nyɛ ya ha lɛ ligbi nyingmi etɛ ngɛ Moab nga kplanaa a nɔ.

Mose IV, 20:29

Benɛ Israel ma kpekpemi ɔ tsuo ná le kaa Aaron gbo ɔ, a nyɛ ya ha lɛ ligbi nyingmi etɛ.

Mose IV, 13:22

A nyɛɛ kɛ gu leneyi je hluu kɛ ya si Hebron. Lejɛ ɔ ji Ahiman, Sheshai, kɛ Talmai nɛ ji Anak bi ɔmɛ a hi he. (A po Hebron ma a jeha kpaago loko a po Zoan ngɛ Egipt).

Mose I, 50:10

Benɛ a su ngma mi sami he ɔ ngɛ Atad, ngɛ Yordan pa a beleku je ɔ, a wo yana wawɛɛ ngɛ lejɛ ɔ be saii; nɛ Yosef pee kusumi kɛ nyɛ ya ligbi kpaago.

Mose I, 27:41

Esau nyɛ Yakob ngɛ gbaami ɔ nɛ e tsɛ gbaa Yakob ɔ he. E de ngɛ e yi mi ke, “Tsaatsɛ gbenɔ be su ta. Ke tsaatsɛ gbo nɛ a pee ya se ɔ, ma gbe ye nyɛmi Yakob.”

Mose I, 23:1

Sara ye jeha lafa kɛ nyingmi enyɔ kɛ kpaago,

Mose I, 24:67

Lɔ ɔ se ɔ, Isak ngɔ Rebeka kɛ ho bo tsu ɔ nɛ e nyɛ Sara hi mi ɔ mi ya. E kɛ lɛ hi si kaa e yo, nɛ e suɔ lɛ saminya. Rebeka ba pee bua womi nɔ́ pɔtɛɛ ko kɛ ha Isak ngɛ e nyɛ gbenɔ se.

Mose I, 35:27

Yakob ba e tsɛ Isak ngɔ ngɛ Mamre, he nɛ Abraham kɛ Isak ba to nubwɔ ngɛ ɔ. Mamre biɛ kpa ji Kiriat Arba, aloo Hebron.

Mose I, 37:14

E tsɛ ɔ de lɛ ke, “Yaa nɛ o ya slaa o nyɛmimɛ ɔmɛ, nɛ o hyɛ kaa to ɔmɛ hu nɔ́ ko be a he lo, nɛ o ba de mi.” Kɛkɛ nɛ e tsɛ ɔ wo lɛ blɔ kɛ je Hebron kɔ̃ ɔ mi. Benɛ e ba su Shekem ɔ,

Yoshua 15:13

Yoshua ha Yefune binyumu Kaleb zugba a eko ngɛ Yuda bi ɔmɛ a nɔ́ ɔ mi, kaa bɔ nɛ Yawɛ fa lɛ ɔ. A ha lɛ Kiriat Arba nɛ a tsɛɛ lɛ Hebron, ma nɛ a kɛ Anak binyumu Arba biɛ wo lɛ ɔ.

Yoshua 15:54

Humta, Kiriat Arba (nɛ a tsɛɛ lɛ Hebron ɔ), kɛ Zior. E peeɔ ma nɛɛ kɛ a he kɔpehi.

Yoshua 21:11

A ha mɛ Arba kɛ e he lohwe lɛmi zugba. (Anak tsɛ ji Arba a nɛ). Ma nɛ ɔ biɛ kpa ji Hebron, nɛ e ngɛ Yuda yo ɔmɛ a nɔ.

Nehemia 11:25

Israel bi ɔmɛ babauu hi a kɔpe ɔmɛ a mi ngɛ ngmɔ si. Yuda wɛtso ɔ mi bi ɔmɛ hi Kiriat Arba, Dibon, Yekabzeel, kɛ a he kɔpe ɔmɛ a mi.

Mose I, 50:1

Yosef wo ya ngɔ pue e tsɛ ɔ nɔ, nɛ e fiɔ e nya he.

Samuel I, 25:1

Samuel ba gbo, nɛ Israel ma a tsuo ba bua a he nya nɛ a nyɛ ya ha lɛ. Lɔ ɔ se e, a ya pu lɛ ngɛ e we ɔ mi ngɛ Rama. Pee se ɔ, David pue nɔ kɛ ho Paran nga a nɔ ya.