Mose I, 23:18 - BAIBLO ALOO NGMAMI KLƆUKLƆU Ɔ

¹⁸ Hit bi ɔmɛ tsuo nɛ kpe ngɛ ma a agbo ɔ nya a ye odase kaa, niinɛ, zugba a ba plɛ pee Abraham nɔ́.

Mose I, 23:18 ပူးပေါင်းရင်းမြစ်များ

Yeremia 32:12

I ngɔ womi ɔmɛ kɛ ha Baruk, Maseya bi Neria bi ɔ ngɛ ye tsɛko bi Hanamel, kɛ odase yeli ɔmɛ nɛ ngɔ a nine kɛ wo womi ɔ sisi ɔ, kɛ Yuda bi tsuo nɛ hii si ngɛ kue ɔ mi ɔ a hɛ mi.

Rut Womi 4:1

Boaz ho ya hi si ngɛ kpe he ɔ ngɛ ma a agbo ɔ nya. Kɛkɛ nɛ e na Elimelek weku no ɔ nɛ e tu e he munyu ɔ nɛ bee. Boaz tsɛ lɛ nɛ e de lɛ ke, “Ye huɛ, ba nɛ o ba hi si ngɛ hiɛ ɔ.” E ba nɛ e ba hi si.

Mose I, 34:20

Hamor kɛ e bi Shekem ya kpe he ɔ, ngɛ maa agbo ɔ nya, nɛ a kɛ ma mi bi ɔmɛ ya tu munyu, nɛ a de mɛ ke,

Mose I, 10:15

Kanaan bitɛte ji Sidon, kɛ e senɔ nyumu Het.

Mose I, 23:10

Jamɛ a be ɔ mi ɔ, Efron nitsɛ hii si ngɛ Hit bi ɔmɛ a kpɛti ngɛ kpe he ɔ, ngɛ ma a agbo ɔ nya. E ha Abraham heto, nɛ nɔ tsuaa nɔ nɛ ngɛ lejɛ ɔ nu ke,

Mose I, 23:19

Enɛ ɔ se ɔ, Abraham ya pu e yo Sara ngɛ jamɛ a tɛ puɔ ɔ mi ngɛ Kanaan zugba a nɔ.

Mose I, 25:9

E bimɛ Isak kɛ Ishmael pu lɛ ngɛ Makpela tɛ puɔ ɔ mi ngɛ zugba a nɛ ngɛ Mamre beleku je ɔ nɔ. Zugba nɛ ɔ, jinɛ Zohar binyumu Efron, Hit no ɔ nɔ́,

Mose I, 34:24

Ma mi bi ɔmɛ tsuo nɛ ya bua a he nya ngɛ ma a agbo ɔ nya a, kplɛɛ nɔ́ nɛ Hamor kɛ e bi Shekem de ɔ nɔ, nɛ a po nyumu ɔmɛ tsuo.