Mose I, 23:16 - BAIBLO ALOO NGMAMI KLƆUKLƆU Ɔ

¹⁶ Abraham kplɛɛ nɔ, nɛ e ngmɛ sika hiɔ ɔ kaa bɔ nɛ Efron de nɛ Hit bi ɔmɛ nu ɔ: sika hiɔ yi lafa eywiɛ, kaa bɔ nɛ jua yeli ɔmɛ po ngɔ fɔ si ɔ.

Mose I, 23:16 ပူးပေါင်းရင်းမြစ်များ

Zakaria 11:12

I de mɛ ke, “Ke nyɛ suɔ ɔ, nyɛɛ wo mi hiɔ, se ke e dɛ ha nyɛ ɔ, nyɛɛ ngɔ faa.” Kɛkɛ nɛ a ngmɛ sika hiɔ yi nyingmi etɛ nɛ a kɛ wo mi hiɔ.

Yeremia 32:9

I he zugba a, nɛ i ngmɛ sika nɛ nya ji sika hiɔ yi nyɔngma kɛ kpaago, nɛ i kɛ wo Hanamel hiɔ.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Romabi 13:8

Nyɛ ko hɛɛ nɔ ko nɔ ko hiɔ. Hiɔ pɛ nɛ sa nɛ nyɛɛ hɛɛ nyɛ sibi ji suɔmi nɛ nyɛɛ kɛ maa suɔ nyɛ he. Ke nɔ ko suɔ e nyɛmi ɔ, kɛkɛ pe e ye mlaa a tsuo nɔ ji lɔ ɔ nɛ.

Mateo 7:12

“Lɔ ɔ he ɔ, nɔ́ tsuaa nɔ́ nɛ nyɛ hlaa kaa nihi nɛ pee ha nyɛ ɔ, nyɛ hu nyɛɛ pee ja nɔuu ngɔ ha mɛ. Mose mlaa a, kɛ ní nɛ gbali ɔmɛ tsɔɔ ɔ sisi ji nɛ ɔ nɛ.

Ezekiel 45:12

“Bɔ nɛ nyɛ níhi a ngmɛmi blɔ nya tomi ngɛ ha ji nɛ ɔ nɛ: Sɛni tɛ nɛ a tsɛɛ gera a nyingmi enyɔ lɛ peeɔ shekel kake. Shekel nyingmi ekpa lɛ peeɔ mina kake.

Hiob 28:15

Nile ɔ, a ngɔɛ sika tsu, loo sika hiɔ kɛ he we.

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose I, 43:21

Benɛ wa kpale wa se kɛ yaa, nɛ wa ya to si ngɛ blɔ ɔ nɔ ɔ, wa pɛne wa kotoku ɔmɛ a nya. Kɛkɛ ɔ, wa ti nɔ tsuaa nɔ na sika nɛ e kɛ ba he ní ɔ susui ngɛ e kotoku nya. Wa kpale sika a kɛ ba.

Mose I, 23:15

“I kpa mo pɛɛ nɛ o bu mi tue! Zugba a he jua ji sika hiɔ yi lafa eywiɛ. Se imi kɛ mo wa kpɛti ɔ, lɔ ɔ tsapi nɔ́ ko kulaa. Yaa nɛ o ya pu o yo ɔ ngɛ lejɛ ɔ.”

Ni Tsumi 7:16

A ngɔ a gbogbo ɔmɛ kɛ ba Shekem ba pu ngɛ yɔkɔ ko mi. Yɔkɔ nɛ ɔ, Abraham lɛ je sika kɛ he ngɛ Hamor bi ɔmɛ a dɛ.

Mose I, 49:29

Enɛ ɔ se ɔ, Yakob ka e bimɛ ɔmɛ kita ke, “E be kɛe nɛ ma gbo, nɛ ma ya piɛ ye nɛmɛ ɔmɛ a he. Ke i gbo ɔ, nyɛɛ ngɔ mi kɛ ho nɛ nyɛ ya pu mi ngɛ ye nɛmɛ ɔmɛ a kasa nya, ngɛ tɛ puɔ ɔ nɛ ngɛ Hit no ɔ nɛ a tsɛɛ Efron ɔ zugba a nɔ ɔ.

Mose I, 50:13

A ngɔ lɛ kɛ ya Kanaan nɛ a ya pu lɛ ngɛ tɛ puɔ ɔ nɛ ngɛ Makpela zugba a nɔ ɔ mi, ngɛ Mamre kasa nya. Abraham ji nɔ nɛ he zugba nɛ ɔ ngɛ Hit no ɔ nɛ a tsɛɛ lɛ Efron ɔ dɛ, nɛ e kɛ pee gɔ.

Samuel II, 14:26

E yi hɛɔ saminya, nɛ e yi bwɔmi ɔ hii lɛ gbee loko e sãã nɔ; daa jeha nyagbe loko e sãã e yi nɔ. Ke e sã e yi nɔ ɔ, e yi bwɔmi nɛ pueɔ si ɔ jiimi maa su kilo enyɔ, loo nɔ́ ngɛ matsɛ sɛni tɛ ɔ nya.

Yeremia 32:10

A pee womi ngɛ zugba a juami ɔ he, nɛ i kɛ ye nine wo sisi, nɛ i sɔu nya. I tsɛ nihi odase, nɛ i ngmɛ sika a ngɛ sɛni nɔ.

Samuel II, 24:24

Se matsɛ ɔ de Arauna ke, “Dɛbi, ma wo mo hiɔ; i kɛ níhi nɛ i na yaka be sami bɔ sãe ha Yawɛ, ye Mawu ɔ!” Kɛkɛ nɛ David ngɔ sika hiɔ yi nyingmi enuɔ kɛ he ngma gbeemi he ɔ, kɛ na amɛ.