Mose I, 22:9 - BAIBLO ALOO NGMAMI KLƆUKLƆU Ɔ

⁹ Benɛ a su he nɛ Mawu tsɔɔ Abraham ɔ, Abraham ma bɔ sami la tɛ, nɛ e to lɛ́ ɔ ngɔ pue nɔ. E fi e bi Isak, nɛ e kɛ lɛ fɔ lɛ́ ɔ nɔ ngɛ bɔ sami la tɛ ɔ nɔ.

Mose I, 22:9 ပူးပေါင်းရင်းမြစ်များ

Yakobo 2:21

Mɛni ba loko Mawu bu wa nɛ̃ Abraham dalɔ ɔ? E ní tsumi ɔ nya! Ejakaa e ngɔ e bi Isak kɛ fɔ bɔ sami la tɛ ɔ nɔ kaa e kɛ maa sã bɔ ha Mawu.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Ni Tsumi 8:32

Ngmami ɔ mi he nɛ e ngɛ kanee ɔ ji nɛ ɔ nɛ: “A ngɔ lɛ kɛ ho kaa jijɔ nɛ a yaa gbe! Nɛ bɔ nɛ jijɔ bi peeɔ kpoo ngɛ e he bwɔmi sãlɔ hɛ mi ɔ, ja nɔuu e pee. nɛ e kpɛ we e kuɔ si.

Marko 15:1

Mɔtu mla a, osɔfo nikɔtɔma amɛ, ma nimeli ɔmɛ, mlaa tsɔɔli ɔmɛ, kɛ kpe ngua a tsuo ya da, nɛ a fi Yesu; nɛ a kɛ lɛ ya ha Pilato.

Mateo 27:2

A bɔ lɛ pã, nɛ a ngɔ lɛ ya ha Roma amlaalo ɔ nɛ a tsɛɛ lɛ Pilato ɔ.

La 118:27

Yawɛ ji Mawu; e ha wɔ la. Nyɛɛ hɛɛ tã kuɔmi ngɛ nyɛ dɛ, nɛ nyɛɛ bɔ sala kɛ ya bɔle bɔ sami la tɛ ɔ koli ɔmɛ.

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 8:20

Noa ma bɔ sami la tɛ ha Yawɛ, nɛ e ngɔ we mi lohwehi nɛ a he tsɔ ɔ eko tsuaa eko kɛ sã sami bɔ ngɛ nɔ: pɛlitsɛmɛ kɛ nane eywiɛɛywiɛtsɛmɛ.

Mose I, 12:8

Lɔ ɔ se ɔ, e hia kɛ je lejɛ ɔ kɛ ho yoku zugba a nɛ ngɛ Betel beleku je ɔ nɔ ya. E ya ma e bo tsu ɔ ngɛ lejɛ ɔ, ngɛ Betel kɛ Ai a kpɛti; Betel ngɛ bonyoku je, nɛ Ai ngɛ beleku je. Lejɛ ɔ hu e ma bɔ sami la tɛ ha Yawɛ nɛ e ja lɛ.

Mose I, 13:18

Lɔ ɔ he ɔ, Abram gbɛ e bo tsu ɔ, nɛ e ba hi tso ngua amɛ a kasa nya ngɛ Mamre, ngɛ Hebron. Nɛ e ma bɔ sami la tɛ ha Yawɛ, nɛ e ja lɛ ngɛ lejɛ ɔ.

Mose I, 22:8

Abraham he nɔ ke, “Ye bi, Mawu nitsɛ ma je jijɔ ha wɔ nɛ wa kɛ sã sami bɔ ɔ.” Kɛkɛ nɛ mɛ ni enyɔ ɔmɛ tsuo a tsa nyɛɛmi ɔ nɔ kɛ ho.

Mose I, 22:10

Kɛkɛ nɛ e kɛ̃ ha a konɛ e kɛ gbe e bi ɔ.

Matsɛmɛ I, 18:33

Lɔ ɔ se ɔ, e to lɛ́ ngɔ pue bɔ sami la tɛ ɔ nɔ; nɛ e poo na ku ɔ kpɔ nya kpɔ nya, nɛ e to ngɔ pue lɛ́ ɔ nɔ. Nɛ e de ke, “Nyɛ ya yɛ nyu buɛ eywiɛ ba pue sami bɔ ɔ, kɛ lɛ́ ɔ nɔ.” A pee ja,