Mose I, 22:3 - BAIBLO ALOO NGMAMI KLƆUKLƆU Ɔ

³ Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Mose I, 22:3 ပူးပေါင်းရင်းမြစ်များ

Mose I, 17:23

Jamɛ a ligbi ɔ nɔuu ɔ, Abraham bu Mawu tue, nɛ e po e binyumu Ishmael kɛ nyumuhi tsuo nɛ ngɛ e we ɔ mi ɔ: nyɔguɛhi nɛ a fɔ ngɛ we ɔ mi, kɛ ni nɛmɛ nɛ e he tsuo.

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Mose I, 22:18

Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Mose I, 22:2

Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

Mose I, 22:4

Ligbi nɛ ji etɛ ɔ nɔ ɔ, Abraham na lejɛ ɔ mane jee.

La 119:60

I ngɛ esɔ hee nɛ ma ye o mlaa amɛ a nɔ; tsle tomi be mi ha mi.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Luka 14:26

“Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Galatabi 1:16

e ma je e Bi ɔ ngɔ tsɔɔ mi, konɛ ma ya fiɛ sane kpakpa a ha ma je li ɔmɛ ɔ, i ya bi we ga womi ngɛ nɔ ko nɔ ko ngɔ.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Yoshua 3:1

Mɔtu mla a, Yoshua kɛ Israel ma a te si, nɛ a hia kɛ je Shitim kɛ ba Yordan pa a nya. A to si ngɛ lejɛ ɔ, nɛ a mlɛ loko a po pa a.

Yoshua 8:10

Makɛ mla a, Yoshua te si nɛ e bua ma a nya. E kɛ Israel ma nimeli ɔmɛ nyɛɛ ma a hɛ mi kɛ ho Ai ya.