Mose I, 22:2 - BAIBLO ALOO NGMAMI KLƆUKLƆU Ɔ

² Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

Mose I, 22:2 ပူးပေါင်းရင်းမြစ်များ

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Hebribi 11:17

Hemi kɛ yemi lɛ ha nɛ Abraham ngɔ e bi Isak kɛ ha Mawu, benɛ Mawu ka lɛ hyɛ ɔ. E ngɛ mi kaa bi nɛ ɔ he si nɛ a wo Abraham lɛɛ, se kɛ̃ e pee klaalo kaa e maa ngɔ e bi kake too ɔ kɛ sã bɔ ha Mawu.

Mose I, 22:16

nɛ e de lɛ ke, “Imi Yawɛ, i ngɛ ye he kita kae kaa akɛnɛ o bu mi tue, nɛ o bi kake too ɔ he nɔ́ dɔɛ mo kaa o kɛ lɛ ma ha mi he je ɔ,

Mose I, 17:19

Se Mawu he nɔ ke, “Dɛbi, o yo Sara ma fɔ binyumu ha mo, nɛ o maa wo lɛ biɛ ke Isak. Ma ye ye somi ɔ nɔ kɛ ha lɛ kɛ e nina kɛ maa ya neneene.

Matsɛmɛ II, 3:27

Lɔ ɔ he ɔ, e nu e bitɛte, nɔ nɛ jinɛ lɛ nɛ e ma ba ye matsɛ ngɛ e se ɔ, nɛ e kɛ lɛ sã sami bɔ ngɛ gbogbo ɔ nɔ. Israel bi ɔmɛ ye gbeye wawɛɛ nitsɛ. Lɔ ɔ he ɔ, a je ma a mi, nɛ a kpale kɛ ho mɛ nitsɛmɛ a zugba nɔ ya.

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Kronika II, 3:1

Jehanɛ, Salomo je Yawɛ we ɔ mami sisi ngɛ Yerusalem, ngɛ Moria yo ɔ nɔ, he nɛ Yawɛ je e he kpo ngɔ tsɔɔ e tsɛ David ngɛ ɔ. Lejɛ ɔ ji Yebus no ɔ nɛ a tsɛɛ lɛ Arauna a ngma mi sami he. Matsɛ David ji nɔ nɛ hla lejɛ ɔ kɛ to kɛ ha we ɔ pomi.

Manyadali 11:39

Nyɔhiɔ enyɔ se ɔ, e kpale e se kɛ ba e tsɛ ɔ ngɔ ekohu; nɛ e tsɛ ɔ pee lɛ kaa bɔ nɛ e wo Yawɛ si ke e maa pee ɔ pɛpɛɛpɛ. Yefta biyo ɔ li nyumu nɛ e kɛ gbo. Nɛ nɔ́ nɛ ɔ ba plɛ pee kusumi ngɛ Israel

Manyadali 11:31

nɛ i ya ye kunimi nɛ i kpale ba a, nɔmlɔ saisaa nɛ maa je kpo kɛ je ye we ɔ mi ba kpee mi ɔ, e maa pee mo, Yawɛ o nɔ; nɛ ma ngɔ lɛ kɛ sã sami bɔ.”

Mose I, 21:12

Se Mawu de Abraham ke, “Koo hao o he ngɛ jokuɛ nyumuyo ɔ kɛ o nyɔguɛ yo Hagar a he. Pee kaa bɔ nɛ Sara de mo ɔ, ejakaa Isak nɔ lɛ nina nɛ i wo mo si ke ma ha mo ɔ maa gu kɛ ba.

Romabi 5:8

Se suɔmi kpetekpleenyɛ nɛ Mawu je kpo ji nɛ ɔ nɛ, kaa be nɛ wa ji yayami peeli ɔ, jamɛ a be ɔ Kristo ba gbo ngɛ wa he.

Mika 6:7

Anɛ Yawɛ ma na bua jɔmi, ke i ba ha lɛ agbosu akpehi, loo nu nɛ hiɛ babauu kaa pa nɛ ngɛ bee lo? Anɛ ma ngɔ ye kekleekle bi ba ha lɛ kɛ wo ye yayami ɔmɛ a he hiɔ lo?

Mose I, 8:20

Noa ma bɔ sami la tɛ ha Yawɛ, nɛ e ngɔ we mi lohwehi nɛ a he tsɔ ɔ eko tsuaa eko kɛ sã sami bɔ ngɛ nɔ: pɛlitsɛmɛ kɛ nane eywiɛɛywiɛtsɛmɛ.

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Mose I, 22:9

Benɛ a su he nɛ Mawu tsɔɔ Abraham ɔ, Abraham ma bɔ sami la tɛ, nɛ e to lɛ́ ɔ ngɔ pue nɔ. E fi e bi Isak, nɛ e kɛ lɛ fɔ lɛ́ ɔ nɔ ngɛ bɔ sami la tɛ ɔ nɔ.

Mose I, 21:3

Abraham wo lɛ biɛ ke Isak,