Mose I, 22:18 - BAIBLO ALOO NGMAMI KLƆUKLƆU Ɔ

¹⁸ Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Mose I, 22:18 ပူးပေါင်းရင်းမြစ်များ

Ni Tsumi 3:25

Si nɛ Mawu wo kɛ gu gbali ɔmɛ a nɔ ɔ, nyɛ nɔ́, nɛ somi nɛ Mawu kɛ nyɛ nɛmɛ ɔmɛ so ɔ, nyɛ piɛ he. Bɔ nɛ e de Abraham ji, ‘Ma gu o nina nɔ nɛ ma gbaa nimli tsuo ngɛ zugba a nɔ.’

Mose I, 12:3

Nihi nɛ gbaa mo ɔ, ma gbaa mɛ. Se ni nɛmɛ nɛ gbiɛɛ mo ɔ, imi hu ma gbiɛ mɛ. O nɔ ma gu kɛ gbaa je ma amɛ tsuo.”

Galatabi 3:16

Abraham, kɛ e nina Mawu wo si ɔ nɛ. Ngmami ɔ de we ke, “Kɛ e nina amɛ”, kaa nɔ́ nɛ a he hiɛ, se mohu e de ke, “Kɛ o nina”, nɛ tsɔɔ kaa nɔ kake pɛ; nɛ lɛ ji Kristo.

Yeremia 7:23

Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

Romabi 1:3

Sane kpakpa a kɔɔ e Bi, wa Nyɔmtsɛ Yesu Kristo he. A fɔ lɛ kaa adesa, nɛ David nina ji lɛ.

Galatabi 3:18

Gbosi ni ɔ nɛ Mawu wo Abraham e he si ɔ, Mawu ngɔ kɛ ha lɛ faa; pi mlaa a nɔ nɛ Abraham ye ɔ he je nɛ e ba mi. Kaa jã ji sane ɔ, lɛɛ e pi si womi hu.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Mose I, 22:10

Kɛkɛ nɛ e kɛ̃ ha a konɛ e kɛ gbe e bi ɔ.

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Mateo 1:1

Yesu Kristo, Abraham kɛ David nina a, e weku kpa ji nɛ ɔ nɛ.

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose II, 7:6

Mose kɛ Aaron bu Yawɛ tue, nɛ a pee kaa bɔ nɛ e de mɛ ke a pee ɔ.