Mose I, 22:17 - BAIBLO ALOO NGMAMI KLƆUKLƆU Ɔ

¹⁷ imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Mose I, 22:17 ပူးပေါင်းရင်းမြစ်များ

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose I, 17:6

Ma ha nɛ o nina maa hiɛ babauu, nɛ a ma ba pee je mahi, nɛ matsɛmɛ po maa je a mi.

Mose I, 24:60

A gbaa Rebeka, nɛ a de lɛ ke, “Wa nyɛmiyo! Mo fɔ bimɛ akpeakpe babauu; nɛ o nina ba kpɔ a he nyɛli ɔmɛ a ma amɛ.”

Mose I, 25:11

Benɛ Abraham gbo se ɔ, Mawu gbaa e bi Isak. Jamɛ a be ɔ mi ɔ, Isak hia kɛ ho ma ko mi ya nɛ e ya hi lejɛ ɔ. A tsɛɛ ma nɛ ɔ ke “Hɛ kalɔ ɔ nɛ naa mi ɔ vu.”

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 26:4

Ma ha o nina maa hiɛ babauu kaa dodoehi ngɛ hiɔwe, nɛ i kɛ zugba nɛ ɔ tsuo ma ha mɛ. O nina nɔ a maa gu kɛ gbaa je ma amɛ tsuo.

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Mose I, 28:4

Mawu Ope ɔ nɛ gbaa mo, kɛ o nina kaa bɔ nɛ e gbaa Abraham ɔ, konɛ zugba nɛ ɔ nɛ o ba to nubwɔ ngɛ nɔ ɔ, e ba pee o nɔ́, ejakaa Mawu kɛ zugba a ha Abraham.”

Mose I, 32:12

Kai kaa mo lɛ o wo mi si ke o maa pee mi saminya. Kai kaa mo lɛ o de ke o ma ha mi nina babauu kaa wo nya zia, nɛ nɔ ko nɔ ko be nyɛe maa kane.”

Mose I, 32:13

Yakob hwɔ lejɛ ɔ jamɛ a nyɔ ɔ mi. E nɔ jena a, e hla lohwehi nɛ e hɛɛ ɔ ekomɛ, konɛ e kɛ ya ke e nyɛmi Esau. Lohwe ɔmɛ ji nɛ ɔmɛ nɛ: apletsi yo lafa enyɔ, kɛ akpakpo nyingmi enyɔ; jijɔ yo lafa enyɔ, kɛ agbosu nyingmi enyɔ; afukpɔngɔhi nɛ ngɛ nyɔ hae nyingmi etɛ, kɛ a bimɛ; na yo nyingmi eywiɛ, kɛ na ku nyɔngma; teji eyo nyingmi enyɔ, kɛ teji ku nyɔngma.

Samuel II, 17:11

Imi lɛɛ, ga nɛ ma wo mo ji kaa o ha nɛ a bua Israel tsuo nya ha mo kɛ je Dan kɛ yaa si Beersheba. A he nɛ hiɛ babauu kaa wo nya zia, nɛ mo nitsɛ o nyɛɛ a hɛ mi kɛ ya ta a.

Matsɛmɛ I, 4:20

Nimli nɛ ngɛ Yuda kɛ Israel ɔ hiɛ babauu kaa wo nya zia; a yeɔ ní, nɛ a nuɔ ní, nɛ a náá bua jɔmi.

Matsɛmɛ I, 9:26

Matsɛ Salomo kpɛ lɛhi babauu hulɔ ngɛ Eziongeber nɛ ngɛ Elat kasa nya a, ngɛ Wo Tsu ɔ nya ngɛ Edom zugba a nɔ.

Kronika I, 27:23

Matsɛ David kane we nihi nɛ a jeha sui nyingmi enyɔ, ejakaa Yawɛ wo si kaa e ma ha nɛ Israel bi ɔmɛ a he maa hiɛ kaa hiɔwe dodoehi.

Kronika II, 1:9

Yawɛ Mawu lee, si nɛ o wo tsaatsɛ ɔ, moo ye nɔ koo. O wo mi matsɛ ngɛ ma nɛ a he hiɛ babauu kaa zugba zu nɛ ɔ a nɔ,

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Yesaya 48:19

Nyɛ ngmɛdu ko hiɛ babauu kaa zia, nɛ i ko hyɛ a nɔ saminya, konɛ a hɛ mi ko kpata gblegbleegble.”

Yeremia 32:22

O ha mɛ zugba kpakpa nɛ baa ní saminya nɛ ɔ kaa bɔ nɛ o wo a nɛmɛ ɔmɛ si ɔ.

Yeremia 33:22

Ma ha nɛ ye tsɔlɔ David nina, kɛ osɔfohi nɛ je Levi wɛtso ɔ mi ɔ a he maa hiɛ babauu kaa hiɔwe dodoehi, loo wo nya zia; nɔ ko nɔ ko be nyɛe maa kane mɛ.”

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Hosea 2:1

Lɔ ɔ he ɔ, nyɛ tsɛ nyɛ nyɛmimɛ Israel bi ɔmɛ ke, “Mawu ma”, kɛ “Nihi nɛ Nyɔmtsɛ suɔ mɛ.”

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”

Romabi 4:13

Pi mlaa a nɔ nɛ Abraham ye ɔ he nɛ Mawu wo lɛ si kaa e kɛ e nina maa ye je ɔ nɔ ɔ, se mohu akɛnɛ e he Mawu ye, nɛ Mawu bu lɛ nɔ nɛ da a he.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

1 Korintobi 15:57

Se sina ha Mawu, nɔ nɛ haa wa yeɔ kunimi kɛ guu wa Nyɔmtsɛ Yesu Kristo nɔ ɔ!

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Mose V, 1:10

Yawɛ nyɛ Mawu ɔ ha nɛ amlɔ nɛ ɔ nyɛ he hiɛ babauu kaa dodoehi ngɛ hiɔwe.

Mose V, 1:11

Yawɛ, nyɛ nɛmɛ a Mawu ɔ ma ha nyɛ maa hiɛ pe bɔ nɛ nyɛ ngɛ nɛ ɔ si akpe abɔ; nɛ e maa gbaa nyɛ kaa bɔ nɛ e wo si ɔ.

Mose V, 10:22

Benɛ nyɛ nɛmɛ ɔmɛ yaa Egipt ɔ, mɛ nimli nyingmi kpaago pɛ nɛ a ho, se amlɔ nɛ ɔ, Yawɛ, nyɛ Mawu ɔ ha nyɛ he hiɛ babauu kaa dodoehi ngɛ hiɔwe.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 13:18

Ke nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, nɛ nyɛ pee nɔ́ nɛ e ngɛ hlae ɔ, Yawɛ maa pee ní nɛ ɔmɛ ha nyɛ.

Mose V, 21:19

“Ke bi ko ngɛ kaa ja a, e fɔli ɔmɛ nɛ a ngɔ lɛ kɛ ya ha ma nimeli ɔmɛ ngɛ ma a mi he nɛ e ngɛ ɔ, nɛ a kojo lɛ.

Hebribi 11:12

Enɛ ɔ he ɔ, Abraham nɔ kake too nɛ ngɛ kaa nɔ ko nɛ yi ta a, e nina ba hiɛ babauu kaa dodoehi ngɛ hiɔwe, loo wo nya zia nɛ hi kanemi.

Hebribi 6:14

E de ke, “I ngɛ mo si woe kaa ma gbaa mo, nɛ ma ha o nina maa hiɛ babauu.”

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”