Mose I, 21:7 - BAIBLO ALOO NGMAMI KLƆUKLƆU Ɔ

⁷ Mɛnɔ ma de Abraham, be ko nɛ be ɔ, ke Sara ma ba ha bi nyɔ? Se i fɔ binyumu ha lɛ ngɛ e bwɔmi be mi.”

Mose I, 21:7 ပူးပေါင်းရင်းမြစ်များ

Yesaya 66:8

Mɛnɔ nu enɛ ɔ eko hyɛ, nɛ mɛnɔ na enɛ ɔ eko hyɛ? Anɛ ligbi kake too kɛkɛ nɛ zugba nɔ hyiɔ kɛ nimli babauu? Anɛ si kake too kɛkɛ nɛ a fɔɔ je ma lo? Se Zion lɛɛ e nɛ nɔ́; benɛ kɔɔmi miɔ nɛ ta e he kɛkɛ e fɔ e binyumu ɔmɛ momo.

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

Mose IV, 23:23

Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.

La 86:8

Nyɔmtsɛ, mawu ko mawu ko be nɛ kɛ mo sɔ; níhi nɛ o pee ɔ hu, nɔ́ ko nɔ́ ko be nɛ a kɛ maa to a he.

Yesaya 49:21

Kɛkɛ ɔ, o ma bi o he ke, ‘Mɛnɔ lɛ fɔ bimɛ nɛ ɔmɛ ha mi? Nihi gbo ta ye he; i plɛ pee nɔ ko nɛ fɔ we, a nu mi kɛ ho ma se ya. Hyɛ, a si imi nɔ kake too, lɛɛ jije lɛ nimli nɛ ɔmɛ je mɔ? Mɛnɔ nɛ lɛ mɛ?’ ”

Mose I, 17:17

Abraham kpla si nɛ e kɛ e hɛ mi bu si. Se e muɔ nɛ e bi e he ke, “Anɛ nyumu nɛ ye jeha lafa a ma nyɛ fɔ lo? Anɛ Sara hu nɛ e ye jeha nyingmi nɛɛ ɔ ma nyɛ fɔ lo?”

Mose I, 18:13

Kɛkɛ nɛ Yawɛ bi Abraham ke, “Mɛni he je Sara muɔ nɛ e bi ke, ‘Anɛ imi yomoyo nɛ ɔ, ma fɔ niinɛ lo?’ ɔ.

Mose I, 21:8

Jokuɛ ɔ ba wa, nɛ a tsɔ lɛ nyɔ. Ligbi ɔ nɛ a tsɔ Isak nyɔ ɔ, Abraham ngmɛ okplɔɔ ngua ko.

Yeremia 20:15

Nyumu ɔ nɛ ba bɔ tsaatsɛ amaniɛ ke, “A fɔ binyumuyo ha mo”, nɛ tsaatsɛ bua jɔ e he ɔ, a gbiɛ lɛ!

Matsɛmɛ I, 3:21

Mɔtu benɛ i te si nɛ ma ha ye bi ɔ nyɔ ɔ, i na kaa e gbo. Se benɛ i hyɛ lɛ saminya a, i na kaa pi ye bi ɔ.”

Matsɛmɛ I, 11:20

Hadad kɛ lɛ fɔ binyumu, nɛ e wo lɛ biɛ ke Genubat. Tapenes hyɛ jokuɛ ɔ nɔ ngɛ matsɛ we ɔ, nɛ e kɛ matsɛbinyumu ɔmɛ hi si.