Mose I, 21:4 - BAIBLO ALOO NGMAMI KLƆUKLƆU Ɔ

⁴ nɛ benɛ Isak ye ligbi kpaanyɔ ɔ, Abraham po lɛ, kaa bɔ nɛ Mawu fa lɛ ɔ.

Mose I, 21:4 ပူးပေါင်းရင်းမြစ်များ

Ni Tsumi 7:8

Kɛkɛ nɛ Mawu kɛ lɛ so, nɛ e tsɔɔ lɛ nɔ pomi okadi ɔ. Lɔ ɔ he ɔ, benɛ a fɔ Isak ɔ, Abraham po lɛ ligbi nɛ ji kpaanyɔ ɔ. Isak fɔ Yakob, nɛ Yakob po e bimɛ nyɔngma kɛ enyɔ ɔmɛ nɛ ji wa blematsɛmɛ ɔmɛ.

Luka 2:21

Otsi se, benɛ jokuɛ ɔ pomi be su ɔ, a wo lɛ biɛ ke Yesu, biɛ nɛ bɔfo ɔ ha lɛ loko Maria ngɔ e hɔ ɔ.

Luka 1:59

Benɛ bimwɔyo ɔ na otsi ɔ, a ba, konɛ a ba po lɛ, nɛ jinɛ a hla kaa a kɛ e tsɛ Zakaria biɛ maa wo lɛ.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose III, 12:3

Ke binyumu ɔ ye ligbi kpaanyɔ ɔ, á po lɛ.

Mose II, 12:48

Se ke nubwɔ ko nɛ ngɛ nyɛ kpɛti suɔ nɛ e ye Yawɛ Hetsɔmi ɔ, moo po nyumuhi tsuo nɛ ngɛ e we ɔ mi ɔ; kɛkɛ e pee kaa we no. Se mɔmlɔtɔtsɛ be he blɔ kaa e yeɔ.