Mose I, 21:17 - BAIBLO ALOO NGMAMI KLƆUKLƆU Ɔ

¹⁷ Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Mose I, 21:17 ပူးပေါင်းရင်းမြစ်များ

Mose I, 16:11

Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Marko 5:36

Benɛ Yesu nu munyu nɛ a tu ɔ, e de Yairo ke, “Koo ye gbeye; mo he ye kɛkɛ!”

Mateo 15:32

Yesu tsɛ e kaseli ɔmɛ kɛ ba e ngɔ, nɛ e de mɛ ke, “Ye mi mi ngɛ mi sããe ngɛ nimli kpekpemi nɛ ɔmɛ a he. Ligbi etɛ sɔuu ji nɛ ɔ nɛ a kɛ mi ngɛ, nɛ a be nɔ́ ko nɛ a maa ye. I sume kaa ma wo mɛ blɔ kɛ ho kɛ hwɔ; eko piɔ klibi ma ya po mɛ ngɛ blɔ ɔ nɔ.”

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

La 65:2

Ee, mo pɛ lɛ o buɔ kue fami tue. O ngɔ adesahi tsuo maa ba,

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Matsɛmɛ II, 13:4

Kɛkɛ nɛ Yehoahaz fa kue ha Yawɛ, nɛ Yawɛ bu lɛ tue; ejakaa e na haomi nɛ Siria matsɛ ɔ ngɛ Israel bi ɔmɛ haoe ɔ.

Samuel I, 11:5

Se benɛ a maa hyɛ ɔ, Saul ji nɛ ɔ nɛ e nyɛɛ e nahi a se kɛ je ngmɔ mi kɛ ma. Saul bi ke, “Mɛni ba loko ma a tsuo wo yana kikɛ nɛ ɔ?” A de lɛ sɛ gbi nɛ tsɔli ɔmɛ hɛɛ kɛ je Yabesh kɛ ba a.

Manyadali 18:23

Benɛ a ya na mɛ ɔ, a kpa ngmlaa kɛ tsɛ Dan bi ɔmɛ a yi se. Nɛ mɛ hu a plɛ, nɛ a bi Mika ke, “Mɛni ngɛ mo pee? Jije o kɛ nimli kpekpemi nɛ ɔmɛ yaa?”

Mose II, 22:27

ejakaa lɔ ɔ pɛ ji e heha nɔ́ nɛ e kɛ maa tsi fĩɛ; mɛni hu ngɛ e dɛ nɛ e maa ha kɛ hwɔ si? Ke nyɛ pee we ja, nɛ e fo ya kɛ tsɛ mi ɔ, ma bu lɛ tue; ejakaa mɔbɔ nalɔ ji mi.

Mose II, 22:23

Ke nyɛ wa mɛ yi mi, nɛ a fo ya kɛ tsɛ mi ɔ, niinɛ, ma bu a ya fomi ɔ tue,

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose I, 46:3

Mawu de lɛ ke, “Imi ji Mawu, o tsɛ Isak Mawu ɔ. Koo ye gbeye kaa o maa ya Egipt; ejakaa ma ha nɛ o nina maa pee ma agbo ngɛ lejɛ ɔ.

Mose I, 16:9

Yawɛ bɔfo ɔ de lɛ ke, “Kpale o se kɛ ya e ngɔ, nɛ o ya ba o he si ha lɛ.”

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 16:7

Yawɛ bɔfo ɔ kɛ Hagar kpe ngɛ pa ko nya, ngɛ Shur blɔ ɔ nɔ,

Mose I, 22:11

Se Yawɛ bɔfo ɔ tsɛ lɛ kɛ je hiɔwe ke, “Abraham! Abraham!” Abraham he nɔ ke, “Ne mi.”

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose II, 3:2

Benɛ e ba lejɛ ɔ, Yawɛ bɔfo ko ba je e he kpo tsɔɔ lɛ kaa la lilɛ nɛ ngɛ tsoe ngɛ mio tso ko mi. Benɛ e ke e hyɛɛ ɔ, e na kaa mio tso ɔ ngɛ tsoe, se e sɛ̃.

Mose V, 26:7

Kɛkɛ nɛ wa fa kue kɛ tsɛ Yawɛ, wa nɛmɛ a Mawu ɔ, nɛ e bu wa gbi tue. E na wa haomi kɛ dengme gbomi, kɛ yi mi nɛ a ngɛ wɔ wae ɔ.

La 6:8

Nyɛ yayami peeli, nyɛɛ je ye nɔ kɛ ya se, ejakaa Yawɛ nu ye ya fomi ɔ.

Mose I, 16:8

nɛ e bi lɛ ke, “Hagar, Sarai mawayo, jije o je, nɛ jije o yaa?” E he nɔ ke, “I tu fo kɛ je ye nyɛ Sarai he.”

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.