Mose I, 21:16 - BAIBLO ALOO NGMAMI KLƆUKLƆU Ɔ

¹⁶ nɛ e ho ya hi si ngɛ he ko banee, maa pee gugue nyingmi enuɔ loo nɔ kɛmi kɛ je he nɛ jokuɛ ɔ ngɛ ɔ. E de ngɛ e yi mi ke, “I be nyɛe nɛ ma hi jokuɛ ɔ hɛ mi hyɛe kɛ yaa si e ma gbo.” Benɛ e hii si ngɛ lejɛ ɔ, e bɔni ya fomi.

Mose I, 21:16 ပူးပေါင်းရင်းမြစ်များ

Mose I, 21:15

Benɛ nyu ɔ ta tɔ ɔ mi ɔ, Hagar ngɔ jokuɛ ɔ ya fɔ tso ko sisi,

Mose I, 27:38

Esau bi e tsɛ ɔ ke, “Tsaatsɛ, gbaami kake nɛ ɔ pɛ o ngɛ lo? Tsaatsɛ, moo gbaa imi hulɔ!” Kɛkɛ nɛ Esau wo ya.

Mose I, 29:11

Lɔ ɔ se ɔ, e fua Rahel atuu, nɛ e kɛ bua jɔmi fo ya pue e nɔ.

Mose I, 44:34

Kɛ ma pee kɛ kpale kɛ ya tsaatsɛ ngɔ kɛɛ, nɛ niheyo wayo ɔ piɛ we ye he kɛ yɛ? Aywilɛho nɛ maa pee tsaatsɛ ɔ, i be nyɛe ma hyɛ.”

Matsɛmɛ I, 17:12

Yo ɔ he nɔ ke, “I na Yawɛ, o Mawu ɔ kaa i be abolo. Nɔ́ nɛ i ngɛ pɛ ji mamu dɛ kɔkɔ ngɛ buɛ mi, kɛ nu bɔbɔyoo ko ngɛ tɔ mi. I ba hiɛmɛ nɛ ɔ nɛ ma ba bua lɛ́ bɔɔ ko nya kɛ ya we mi, nɛ ma kɛ ya sã abolo, nɛ i kɛ ye binyumu waa ye. Lɔ ɔ se lɛɛ wa ma gbo kɛ hwɔ.”

Matsɛmɛ I, 3:26

Kɛkɛ nɛ nɔ tutuutu nɛ ji bi nɛ hɛ ngɛ ɔ nyɛ ɔ tsui mi sã lɛ ngɛ e bi ɔ he, nɛ e de matsɛ ɔ ke, “Nɛnɛ, i kpa mo pɛɛ, koo gbe jokuɛ ɔ. Ngɔɔ lɛ ngɔ ha yo ɔ kɛkɛ.” Se yo kaketsɛ ɔ de ke, “Dɛbi! E be ye nɔ́ pee, nɛ e be mo hu o nɔ́ pee; a dla e mi enyɔ.”

Ester 8:6

Ke amanehlu nɛ ɔ ba ma a nɔ, nɛ́ a ma kpata imi nitsɛ ye nyɛmimɛ a hɛ mi ɔ, kɛ ma pee kɛɛ?”

Yesaya 49:15

Lɔ ɔ he ɔ, Yawɛ he nɔ ke, “Anɛ binyɛ hɛ maa je lɛ nitsɛ e bi nɛ ngɛ nyɔ nya nɔ lo? Anɛ e be suɔmi kpo jee kɛ tsɔɔ e bi ɔ lo? Ke binyɛ hɛ maa je e bi nɔ po, imi lɛɛ ye hɛ be o nɔ jee kɔkɔɔkɔ.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Luka 15:20

Kɛkɛ nɛ e te si, nɛ e pue nɔ kɛ yaa e tsɛ ɔ ngɔ. “Se benɛ e nyɛɛ tsitsaa lokoo kɛ ma a, e tsɛ ɔ na lɛ, nɛ e ní pee lɛ mɔbɔ, nɛ e sa fo kɛ ho ya fua lɛ, nɛ e fiɔ e nya he.

Manyadali 2:4

Benɛ Yawɛ bɔfo ɔ tu Israel bi ɔmɛ munyu nɛ ɔ, ma a tsuo wo yana.

Rut Womi 1:9

Yawɛ nɛ ha nɛ nyɛɛ gba ekohu, konɛ nyɛ ti nɔ tsuaa nɔ nɛ na he ko nɛ e hi.” Benɛ e fua mɛ nɛ e kɛ mɛ ye sɛ ɔ, a wo yana,

Samuel I, 24:16

Benɛ David tu munyu ta a, Saul bi lɛ ke, “Ye bi David, mo ji nɛ ɔ?” Kɛkɛ nɛ Saul wo ya,

Samuel I, 30:4

Kɛkɛ nɛ David kɛ e we bi ɔmɛ wo yana hluu kɛ ya si a he wami ta.