Mose I, 21:14 - BAIBLO ALOO NGMAMI KLƆUKLƆU Ɔ

¹⁴ E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Mose I, 21:14 ပူးပေါင်းရင်းမြစ်များ

Yohane 8:35

Nyɔguɛ hí we mi kɛ yɛ neneene, se bi lɛɛ e hii si kɛ yaa neneene.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Abɛ Womi 27:14

Nɔ nɛ teɔ si makɛ mla nɛ e ngaa e nyɛmi kɛ ngmlaa boboobo ɔ, a buɔ lɛ kaa pe e ngɛ nɔ ɔ gbiɛe mohu.

La 119:60

I ngɛ esɔ hee nɛ ma ye o mlaa amɛ a nɔ; tsle tomi be mi ha mi.

La 107:4

Ni komɛ wo lalaalo ngɛ nga kplanaa nɔ; a nɛ blɔ ko blɔ ko nɛ a kɛ ya ma a mi nɛ a ya hi lejɛ ɔ.

Matsɛmɛ I, 19:3

Eliya tsui po, nɛ e kɛ gbenɔ kɛ kã tu fo kɛ ho Beersheba ya ngɛ Yuda. E kɛ e tsɔlɔ ɔ ho. E ya si e tsɔlɔ ɔ ngɛ lejɛ ɔ.

Mose I, 26:31

A te si mɔtu kpla, nɛ a ka a he kita. Lɔ ɔ se ɔ, Isak wo mɛ blɔ nɛ a mi gba ngɛ bua jɔmi mi.

Mose I, 25:6

se benɛ e na we nɛ e gbo lolo ɔ, binyumuhi nɛ e kɛ e yi kpa amɛ fɔ ɔ hu, e ha mɛ nike níhi. Lɔ ɔ se ɔ, e wo bimɛ nɛ ɔmɛ blɔ kɛ ho beleku je zugba a nɔ ya, kɛ je e bi Isak he.

Mose I, 21:31

Enɛ ɔ he nɛ a wo lejɛ ɔ biɛ ke Beersheba a nɛ, ejakaa lejɛ ɔ ji he nɛ mɛ ni enyɔ ɔmɛ ka a he kita ngɛ.

Mose I, 16:7

Yawɛ bɔfo ɔ kɛ Hagar kpe ngɛ pa ko nya, ngɛ Shur blɔ ɔ nɔ,

Yesaya 16:8

Ejakaa a kpata Heshbon ngmɔ ɔmɛ, kɛ Sibma wai tso ɔmɛ a hɛ mi. Je ma amɛ a nɔ yeli ɔmɛ ku tso kɔni ɔmɛ ngɛ lejɛ ɔ tsuo kɛ ya su Yazer, kɛ ya kpa nga kplanaa a nɔ tsuo; kɔni ɔmɛ gba kɛ ya su Ngo wo ɔ se tɔɔ.

Mose I, 46:1

Yakob hia, kɛ e nɔ́ tsuaa nɔ́. Benɛ e su Beersheba a, e sã bɔ kɛ ha e tsɛ Isak Mawu ɔ ngɛ lejɛ ɔ.

Mose I, 37:15

nyumu ko na lɛ nɛ e ngɛ nyɛɛe kɛ ngɛ yae kɛ ngɛ bae ngɛ nga a nɔ. Kɛkɛ nɛ nyumu ɔ bi lɛ ke, “Mɛni o ngɛ hlae?”

Mose I, 26:33

Isak wo vu ɔ biɛ ke “Sheba.” Bɔ nɛ ba nɛ Beersheba ma a na e biɛ ji nɛ ɔ nɛ.

Mose I, 24:54

Enɛ ɔ se ɔ, Abraham tsɔlɔ ɔ, kɛ nihi nɛ piɛ e he ɔ ye ní nɛ a nu nɔ́ ko, nɛ a hwɔ lejɛ ɔ jamɛ a nyɔ ɔ mi. Mɔtu benɛ a te si ɔ, e de ke, “Nyɛɛ wo mi blɔ nɛ ma kpale kɛ ho ye nyɔmtsɛ ɔ ngɔ ya.”

Mose I, 22:19

Abraham kpale e se kɛ ba e tsɔli ɔmɛ a ngɔ, nɛ mɛ tsuo a pue nɔ kɛ ho Beersheba ya. Nɛ Abraham ya hi lejɛ ɔ.

Mose I, 22:3

Abraham te si mɔtu kpla nɛ e poo lɛ́ nɛ e kɛ maa sã bɔ ɔ. E wo e teji ɔ nɔ ní, nɛ e ngɔ Isak kɛ tsɔli enyɔ ngɔ piɛ e he, nɛ e kɛ mɛ pue blɔ kɛ ho he nɛ Mawu tsɔɔ lɛ ɔ ya.

Mose I, 21:33

Enɛ ɔ se ɔ, Abraham du tso ngua ko ngɛ Beersheba, nɛ e ja Yawɛ Mawu nɛ ngɛ daa a ngɛ lejɛ ɔ.

Mose I, 19:27

E nɔ jena mɔtu kpla a, Abraham kpale kɛ ho he nɛ e da si ngɛ ngɛ Yawɛ hɛ mi ɔ ya.

Mose I, 21:13

Nyɔguɛ yo ɔ binyumu ɔ, lɛ hu ma ha lɛ bimɛ babauu nɛ a ma ba pee ma; ejakaa lɛ hu o bi ji lɛ.”

Mose I, 21:15

Benɛ nyu ɔ ta tɔ ɔ mi ɔ, Hagar ngɔ jokuɛ ɔ ya fɔ tso ko sisi,

Abɛ Womi 27:8

Nyumu nɛ jeɔ e we mi nɛ e ya hii kpae ɔ, e ngɛ kaa lohwe pɛlitsɛ nɛ e tsu nya blɔ laa lɛ.

Mose I, 28:18

Yakob te si mɔtu kpla, nɛ e ngɔ tɛ ɔ nɛ e tslɔ ɔ ngɔ ma si kaa kaimi titima. Lɔ ɔ se ɔ, e plɛ nu ngɔ pue nɔ, nɛ e kɛ pee tɛ ɔ klɔuklɔu ha Mawu.

Yoshua 3:1

Mɔtu mla a, Yoshua kɛ Israel ma a te si, nɛ a hia kɛ je Shitim kɛ ba Yordan pa a nya. A to si ngɛ lejɛ ɔ, nɛ a mlɛ loko a po pa a.

Samuel I, 15:12

E nɔ jena mɔtu mla a, Samuel te si, konɛ e ya hla Saul. Se a de lɛ ke Saul ho Karmel, he nɛ e ma manye yemi kaimi nɔ́ kɛ ha lɛ nitsɛ e he ngɛ ɔ ya, nɛ e se kpalemi mi ɔ, e po mi kɛ ho Gilgal ya.

Kronika II, 29:20

Kɛkɛ nɛ Matsɛ Hezekia pee esɔ ya kpee ma nimeli ɔmɛ, nɛ e kɛ mɛ tsuo ya sɛ Yawɛ we ɔ mi.