Mose I, 21:12 - BAIBLO ALOO NGMAMI KLƆUKLƆU Ɔ

¹² Se Mawu de Abraham ke, “Koo hao o he ngɛ jokuɛ nyumuyo ɔ kɛ o nyɔguɛ yo Hagar a he. Pee kaa bɔ nɛ Sara de mo ɔ, ejakaa Isak nɔ lɛ nina nɛ i wo mo si ke ma ha mo ɔ maa gu kɛ ba.

Mose I, 21:12 ပူးပေါင်းရင်းမြစ်များ

Mose I, 17:19

Se Mawu he nɔ ke, “Dɛbi, o yo Sara ma fɔ binyumu ha mo, nɛ o maa wo lɛ biɛ ke Isak. Ma ye ye somi ɔ nɔ kɛ ha lɛ kɛ e nina kɛ maa ya neneene.

Mose I, 17:21

Se o binyumu Isak nɛ Sara ma fɔ ha mo hiɛmɛ nɛ ɔ jeha a, ma ma ye somi ɔ nɔ mi ha lɛ.”

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Galatabi 4:30

Se kɛ ngmami ɔ deɔ kɛɛ? E deɔ ke, “Wo yo nyɔguɛ ɔ kɛ e bi ɔ blɔ nɛ a ho, ejakaa yo nyɔguɛ ɔ bi ɔ be he blɔ nɛ e kɛ yo odehe ɔ bi ɔ yeɔ gbosi ní.”

Hebribi 11:18

Mawu de Abraham ke, “O bi Isak lɛ ma ba wo nina ha mo.”

Samuel I, 8:7

nɛ Yawɛ de lɛ ke, “Nɔ́ tsuaa nɔ́ nɛ ma a bi mo ɔ, moo pee ha mɛ. Pi mo nɛ a kua a; imi mohu nɛ a kua ke ma ko ye a nɔ matsɛ ɔ nɛ.

Samuel I, 8:9

Lɔ ɔ he ɔ, moo pee ha mɛ kaa bɔ nɛ a ngɛ hlae ɔ, se mohu o ka a hɛ mi saminya, nɛ o tsɔɔ mɛ nɛ a le bɔ nɛ matsɛ nɛ maa ye a nɔ ɔ, kɛ ma a maa hi si ha.”