Mose I, 20:9 - BAIBLO ALOO NGMAMI KLƆUKLƆU Ɔ

⁹ Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ.

Mose I, 20:9 ပူးပေါင်းရင်းမြစ်များ

Mose I, 12:18

Kɛkɛ nɛ Farao ɔ tsɔ ya tsɛ Abram kɛ ba, nɛ e bi lɛ ke, “Mɛni o pee mi nɛ ɔ? Mɛni he je o de we mi ke o yo ji yo ɔ?

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

Mose I, 26:10

Abimelek ya nɔ bi lɛ ke, “Mɛni o pee wɔ nɛ ɔ? Kaa ye ma mi bi ɔmɛ a ti nɔ ko kɛ o yo ɔ ya na bɔmi jinɛ tse o kɛ musu ba wa nɔ?”

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Romabi 2:11

Ejakaa Mawu hyɛ we nɔ hɛ mi.

Abɛ Womi 28:10

Ke o sisi nɔ nɛ peeɔ nɔ́ nɛ da, nɛ e ya pee yayami ɔ, muɔ nɛ o tsua ngɔ to ha lɛ ɔ, mo nitsɛ o maa nɔ mi. Nɔ nɛ lɛɛ e pee we nɔ́ ko nɛ dɛ ɔ, e ma na hiɔwo kpakpa.

Samuel II, 13:12

Se Tamar de lɛ ke, “Dɛbi, ye nyɛminyumu, ko pue ye hɛ mi si; ejakaa a pee we nɔ́ nɛ ɔ ngɛ Israel. Ko tsu zo ní kaa kikɛ nɛ ɔ.

Samuel II, 12:5

David mi mi fu jamɛ a niatsɛ ɔ wawɛɛ nitsɛ, nɛ e de Natan ke, “I na Yawɛ kaa nɔmlɔ nɛ pee nɔ́ nɛ ɔ, ja e gbo!

Yoshua 7:25

Jehanɛ Yoshua bi Akan ke, “Mɛni he je o hao wɔ kikɛ nɛ ɔ? Mwɔnɛ nɛ ɔ, Yawɛ hu maa hao mo!” Kɛkɛ nɛ Israel ma a tsuo fia Akan tɛ nɛ e gbo; a fia e weku li ɔmɛ hu tɛ, nɛ a kɛ la sã lɛ, kɛ e weku li, kɛ e nɔ́ tsuaa nɔ́.

Mose III, 20:10

Ke Israel no ko kɛ e nyɛmi Israel no e yo na bɔmi ɔ, a puɛ gba; á gbe nyumu ɔ kɛ yo ɔ tsuo.

Mose II, 32:35

Lɔ ɔ he ɔ, Yawɛ kɛ gbenɔ hiɔ gbla ma a tue; ejakaa a nyɛ Aaron nɔ nɛ e pee sika tsu na bi ha mɛ.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Mose I, 38:24

Maa pee hlami etɛ se ɔ, nɔ ko ba de Yuda ke, “O nganyɛ Tamar ya nyɛɛ basabasa, nɛ hɔ ba e he nɛ a li hɔtsɛ.” Yuda fa ke, “A je lɛ kpo, nɛ a ya sã lɛ.”

Mose I, 34:7

Jamɛ a be ɔ mi nɔuu ɔ, Yakob binyumu ɔmɛ hu je nga nɔ kɛ ba. Benɛ a nu sane nɛ ba a, a mi mi fu wawɛɛ nitsɛ kaa Shekem tsu zo ní kaa kikɛ nɛ ɔ ngɛ Israel; kaa e nu Yakob biyo pani nya, nɛ e kɛ lɛ hwɔ. Nɔ́ nɛ Shekem pee nɛ ɔ, a hiɔ̃.

Mose I, 20:8

Abimelek te si mɔtu kpla, nɛ e tsɔ ya kpee e tsɔli ɔmɛ tsuo kɛ ba e ngɔ. E bɔ mɛ amaniɛ ngɛ e nlami ɔ he, nɛ mɛ tsuo a nu sawale.

Mose I, 20:10

Mɛni o susu loko o pee nɔ́ nɛ ɔ?”

Mose I, 29:25

Yakob li kaa mamoo Lea mohu e kɛ hwɔ si ɔ, kɛ ya si mɔtu. Lɔ ɔ he ɔ, e bi Laban ke, “Mɛni o pee mi nɛ ɔ? Anɛ i tsu we ní ha we mo konɛ ma ngɔ Rahel lo? Mɛni he je mɔ nɛ o sisi mi?”