Mose I, 20:7 - BAIBLO ALOO NGMAMI KLƆUKLƆU Ɔ

⁷ Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Mose I, 20:7 ပူးပေါင်းရင်းမြစ်များ

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Samuel I, 7:5

Kɛkɛ nɛ Samuel de ke, “Nyɛ bua Israel ma a tsuo nya ngɛ Mizpa, nɛ ma kpa Yawɛ pɛɛ ha mɛ ngɛ lejɛ ɔ.”

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Kronika I, 16:22

E ke, “Ye tsɔli ɔmɛ nɛ i hla a, nyɛ ko pee mɛ yayami ko; nyɛ ko ta ye gbali ɔmɛ hu a he.”

Matsɛmɛ II, 5:11

Se Naeman mi mi fu, nɛ e je lejɛ ɔ. Benɛ e yaa a, e de ke, “Hyɛ, i susu kaa e ma ba da si ngɛ ye kasa nya nɛ e ma tsɛ Yawɛ e Mawu ɔ biɛ; nɛ e maa fɔ̃ e nine ngɛ hiɔ nɔ kɛ ya kɛ ba, nɛ e ma tsa mi.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

1 Korintobi 14:4

Ke nɔ ko ngɛ gbi slɔɔtohi tue ɔ, lɛ nitsɛ e he mɔde nɛ e ngɛ bɔe, konɛ e wa ngɛ mumi mi. Se nɔ nɛ fiɛɔ Mawu sɛ gbi ɔ lɛɛ asafo ɔ tsuo nɔ yami he mɔde e ngɛ bɔe.

Ezekiel 33:8

Ke i de ke yayami peelɔ ko ma gbo ngɛ e yayami nɛ e ngɛ pee ɔ he, se o bɔɛ lɛ kɔkɔ, konɛ e tsake kɛ je e blɔ yayami ɔ nɔ nɛ e yi nɛ na wami ɔ, e ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Ezekiel 3:18

Ke i de ke yayami peelɔ ko ma gbo, nɛ o bɔɛ lɛ kɔkɔ, nɛ o tui munyu kɛ tsɔɔ we lɛ, konɛ e tsake nɛ e he e yi wami ɔ, jamɛ a yayami peelɔ ma gbo ngɛ e yayami ɔmɛ a he lɛɛ, se ma bi e muɔ si ngɛ o dɛ.

Yeremia 27:18

Ke gbali ji mɛ niinɛ, nɛ a na ye sɛ gbi ɔ, ha nɛ a fa kue ha imi Yawɛ Tabohiatsɛ ɔ mohu, konɛ ma ko ngmɛ blɔ nɛ a ba muɔ juetli nɛ piɛ ngɛ Yawɛ we ɔ, kɛ Yuda matsɛ we ɔ ngɛ Yerusalem kɛ ho Babilonia ya.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 14:11

Yawɛ de mi ke, “Koo fa kue ha mi ke ma pee ma nɛ ɔ kpakpa.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Matsɛmɛ I, 13:6

Matsɛ Yeroboam de gbalɔ ɔ ke, “I kpa mo pɛɛ, moo fa kue ha Yawɛ, o Mawu ɔ, nɛ e tsa ye nine ɔ ha mi.” Gbalɔ ɔ fa kue ha Yawɛ, nɛ Yawɛ tsa matsɛ ɔ nine ɔ; nɛ nine ɔ pee kaa bɔ nɛ e ngɛ sa a.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Samuel I, 7:8

nɛ a de Samuel ke, “Moo hi kue fae kɛ hi Yawɛ, wa Mawu ɔ hae, konɛ e je wɔ kɛ je Filisti bi ɔmɛ a dɛ mi.”

Mose III, 6:7

Osɔfo ɔ maa sã bɔ ɔ kɛ kpata Yawɛ ha lɛ, nɛ a kɛ e he yayami tsuo nɛ e pee ɔ maa pa lɛ.

Mose III, 6:4

Ke nɔ ko pee yayami nɛ ɔmɛ eko ɔ, bɔ tsuaa bɔ nɛ ji ɔ, e to nane mi sisiisi ha nɔ nɛ e tɔ̃ e nɔ ɔ. Ligbi nɛ a maa bu lɛ fɔ ɔ, e wo nɔ ɔ hiɔ ɔ sisiisi, nɛ e ngɔ nɔ́ ɔ jua a mi dlami enuɔ mi kake kɛ bɔ he ha nɔ ɔ.

Mose II, 18:17

Kɛkɛ nɛ Mose ngatsɛ ɔ de lɛ ke, “O blɔ nya tomi ɔ piɛ bɔɔ.

Mose II, 7:1

Yawɛ de Mose ke, “O nɛ, i pee mo kaa Mawu ha Farao ɔ, nɛ o nyɛmi Aaron maa pee o gbalɔ.

Mose II, 4:16

Moo o maa pee kaa Mawu, nɛ o maa tsɔɔ lɛ nɔ́ nɛ e de, nɛ lɛɛ e maa pee o we otsiamɛ, nɛ e ma je o munyu ɔ nya ha ni ɔmɛ.

Mose I, 12:17

Abram yo Sarai he je ɔ, Yawɛ ha hiɔ nɛ nya wa ko ba sɛ Farao ɔ kɛ e we mi bi ɔmɛ a kpɛti.

Mose I, 12:15

Egipt matsɛ ɔ he ni komɛ na yo ɔ, nɛ a ya je e yi kɛ ha Farao ɔ; lɔ ɔ he ɔ, a ba ngɔ lɛ kɛ ho matsɛ we ɔ mi ya.

Mose I, 2:17

ja tso ɔ nɛ haa nɔ leɔ kpakpa kɛ yayami ɔ pɛ. Koo ye jamɛ a tso ɔ yiblii; ligbi nɛ o maa ye eko ɔ, o ma gbo.”

Ni Tsumi 8:24

Kɛkɛ nɛ Simon de Petro kɛ Yohane ke, “I kpa nyɛ pɛɛ, nyɛ kpa Nyɔmtsɛ ɔ pɛɛ ha mi, konɛ níhi nɛ nyɛ de nɛ ɔmɛ ekoeko ko ba ye nɔ.”

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 20:8

Abimelek te si mɔtu kpla, nɛ e tsɔ ya kpee e tsɔli ɔmɛ tsuo kɛ ba e ngɔ. E bɔ mɛ amaniɛ ngɛ e nlami ɔ he, nɛ mɛ tsuo a nu sawale.

Mose I, 23:6

“Wa nyɔmtsɛ, moo bu wɔ tue! Wa buu mo kaa hɛ mi nyɛɛlɔ ngua ko ngɛ wa kpɛti; yaa pu o yo ɔ ngɛ wa gɔ nɛ hi pe kulaa a mi. Wa ti nɔ tsuaa nɔ maa suɔ kaa e maa ngɔ lɛ nitsɛ e yɔkɔ kɛ ha mo nɛ o pu o yo ɔ ngɛ mi.”

Kronika II, 30:18

Ní nɛ ɔmɛ a se ɔ, nihi nɛ je Efraim, Manase, Isakar, kɛ Zebulun wɛtso ɔmɛ a mi kɛ ba a, a ti nihi babauu ji ni nɛmɛ nɛ na we nɛ a tsukɔ a he. Lɔ ɔ he ɔ, Hetsɔmi ɔ nɛ a ye ɔ, mɛɛ a yi lɛ kaa bɔ nɛ a to ke a ye ɔ. Hezekia sɔle kɛ ha jamɛatsɛmɛ ɔmɛ, nɛ e de ke,