Mose I, 20:6 - BAIBLO ALOO NGMAMI KLƆUKLƆU Ɔ

⁶ Mawu ha lɛ heto ngɛ nlami ɔ mi ke, “Niinɛ, i le kaa nɔ́ nɛ o pee nɛ ɔ je o tsui mi faa, nɛ o he nile bui mo fɔ; enɛ ɔ he je nɛ i ha we nɛ o ta yo ɔ he, konɛ o ko pee yayami kɛ si mi.

Mose I, 20:6 ပူးပေါင်းရင်းမြစ်များ

Samuel I, 25:34

Niinɛ, Yawɛ, Israel Mawu ɔ tsi ye nya ke ma ko pee mo yayami ko. Se i na Mawu, kaa o pee we esɔ nɛ o kɛ mi ba kpe, jinɛ hwɔɔ benɛ je ke e naa a, nɔ kake ngmelu be piɛe ha Nabal.”

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Mose I, 35:5

Benɛ Yakob kɛ e yi ɔmɛ, e bimɛ ɔmɛ, kɛ e we bi ɔmɛ hia kɛ yaa a, sawale nu ni ɔmɛ ngɛ ma amɛ nɛ bɔle mɛ ɔ a mi; lɔ ɔ he ɔ, a nyɛɛ we a se.

Mose I, 31:7

Nyɛ tsɛ sisi mi, nɛ e tsake ye hiɔwo ɔ si nyɔngma. Se Mawu ngmɛ́ lɛ blɔ nɛ e pee mi yayami ko.

2 Tesalonikabi 2:7

Yi wu tso ní nɛ a tsuɔ ngɛ laami mi ɔ, a je sisi momo. Se nɔ́ nɛ maa ba a be bae, ja a je nɔ nɛ ngɛ lɛ blɔ tsie ɔ ngɛ blɔ ɔ mi lolo.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Mose II, 34:24

Ma fie je ma amɛ kɛ je o blɔ ɔ nɔ, nɛ ma bli o huzu ɔmɛ a mi. Nɛ ke o ba Yawɛ, o Mawu ɔ hɛ mi si etɛ ngɛ jeha mi ɔ, nɔ ko hɛ be o zugba a nɔ kɔe.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Mose I, 39:9

I ngɛ he wami ngɛ we nɛ ɔ mi kaa bɔ nɛ lɛ hu e ngɛ ɔ. Nɔ́ ko nɔ́ ko be nɛ ye nyɔmtsɛ ɔ je we he gbi ha mi, kaa ja mo pɛ; ejakaa moo lɛɛ e yo ji mo. Mɛni he je mɔ nɛ ma tsu yi wu tso ní kaa kikɛ nɛ ɔ, nɛ ma pee yayami kɛ si Mawu?”

2 Tesalonikabi 2:11

Lɔ ɔ he ɔ, Mawu ma tsaka a juɛmi, nɛ a ma he lakpa munyu maa ye.

1 Korintobi 7:1

Jehanɛ, níhi nɛ nyɛ ngma ba ha mi ɔ, nɔ́ nɛ i ngɛ dee ngɛ a he ji nɛ ɔ nɛ. E hi ha nyumu kaa e ko ta yo he.

Mose III, 6:2

ke Israel fɔfɔɛ ko kɛ nɔ́ ko ba da e se, nɛ e nyɛmi ɔ kpale we nɔ́ ɔ kɛ ba ha we lɛ, loo e ju lɛ, loo e sisi lɛ ɔ, e pee yayami kɛ si Yawɛ.

Mose I, 26:11

Abimelek wo ma a tsuo mlaa ke, “Nɔ tsuaa nɔ nɛ maa pee nyumu nɛ ɔ, aloo e yo ɔ yayami ko ɔ, a gbe lɛ.”

Mose I, 3:3

ja tso ɔ nɛ ngɛ ngmɔ ɔ kpɛti tutuutu ɔ pɛ. Mawu ke wa ko ye jamɛ a tso ɔ yiblii, nɛ wa ko ta he hulɔ; ke wa pee ja a, wa ma gbo.”

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Mose I, 31:24

Jamɛ a nyɔ ɔ mi ɔ, Mawu je e he kpo ngɔ tsɔɔ Laban, Aram no ɔ ngɛ nlami je, nɛ e de lɛ ke, “Hyɛ nɛ hi nɛ o kɛ Yakob ko tu munyu ko; yaya jio, kpakpa jio.”

Abɛ Womi 6:29

Nɔ nɛ kɛ e nyɛmi e yo ya hwɔɔ si ɔ, e sane ɔ ngɛ kaa kikɛ nɛ ɔ nɔuu. Nɔ tsuaa nɔ nɛ tsuɔ kikɛmɛ a ní nɛ ɔ, e be e he yee ligbi ko ligbi ko.