Mose I, 20:5 - BAIBLO ALOO NGMAMI KLƆUKLƆU Ɔ

⁵ Abraham nitsɛ nɛ e de ke e nyɛmiyo ji yo ɔ. Yo ɔ nitsɛ hu de ke e nyɛminyumu ji Abraham. Nɔ́ nɛ i pee nɛ ɔ je ye tsui mi faa, nɛ ye he nile bui mi fɔ.”

Mose I, 20:5 ပူးပေါင်းရင်းမြစ်များ

La 7:8

Yawɛ, mo ji je ɔ tsuo kojolɔ. Moo ye ye sane ha mi; o le kaa i pee we nɔ́ ko nɛ dɛ.

Matsɛmɛ I, 9:4

Ke o ma sɔmɔ mi kɛ o tsui tsuo, nɛ o maa ye mi anɔkuale kaa bɔ nɛ o tsɛ David pee ɔ; nɛ o maa ye ye mlaa amɛ a nɔ, nɛ o maa pee nɔ́ tsuaa nɔ́ nɛ i fa mo ke o pee ɔ;

1 Timoteo 1:13

E ngɛ mi kaa sa a, i tu musu bɔmi munyuhi kɛ si Mawu; i wa lɛ yi mi, nɛ i pee níhi basabasa. Se Mawu na mi mɔbɔ, ejakaa jamɛ a be ɔ, i he we yi lolo; nɛ nɔ́ nɛ i ngɛ pee ɔ hu i li.

1 Tesalonikabi 2:10

Nyɛɛ kɛ Mawu ji wa we odase kaa wa ba wa je mi saminya ngɛ nyɛ nihi nɛ nyɛ heɔ yeɔ ɔ nyɛ kpɛti. Wa peeɔ nɔ́ nɛ da blɔ nɛ piami ko be wa he.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Abɛ Womi 20:7

Bimɛ nɛ a tsɛ yeɔ anɔkuale, nɛ e peeɔ nɔ́ nɛ da a, a gbaa mɛ.

Abɛ Womi 11:3

Nɔ́ nɛ hɛɛɔ nimli kpakpahi, nɛ tsɔɔ mɛ blɔ ngɛ je mi ji anɔkuale nɛ a yeɔ ɔ. Se ni nɛmɛ nɛ yi anɔkuale lɛɛ mɛ nitsɛmɛ a ní peemi ní yayamihi lɛ kpataa a hɛ mi.

La 78:72

David hyɛ ma a nɔ bɔ nɛ sa. E nyɛɛ a hɛ mi, nɛ e kpaka mɛ bɔ nɛ sa. Ga, kɛ anɔkuale yemi lɛ e kɛ tsu nɔ́ nɛ ɔ.

La 73:13

Hyɛ kaa i tsu ye he nɛ mu ko be ye he! Hyɛ kaa i pee ye he klɔuklɔu! Lɛɛ tse enɛ ɔ tsuo peeɔ yaka?

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

La 25:21

I ngɔ ye hɛ kɛ fɔ o nɔ, nɛ́ o bu ye he. Ha nɛ ye he nɛ tsɔ, nɛ ma ye anɔkuale kɛ pi si.

La 24:4

Nɔ nɛ pee we yayami, nɛ e tsui mi tsɔ. Nɔ nɛ ja we yakayaka níhi, nɛ e ka we kita kɛ sisi nɔ.

Hiob 33:9

“Ye he tsɔ; i pee we nɔ́ ko nɛ dɛ blɔ. I yeɔ nguɔ; yayami ko be ye he.

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Matsɛmɛ II, 20:3

“Yawɛ lee, i kpa mo pɛɛ nɛ o kai bɔ nɛ i ba ye je mi ngɛ o hɛ mi, bɔ nɛ i ye mo anɔkuale, bɔ nɛ i sɔmɔ mo kɛ ye tsui tsuo, kɛ bɔ nɛ i pee o suɔmi nya ní.” Nɛ Hezekia fo ya kɛ he hiami.

Yoshua 22:22

“Yawɛ, Mawu Ope! Yawɛ Mawu Ope! Lɛ pɛ nɛ e le nɔ́ he je nɛ wa pee enɛ ɔ, nɛ wa suɔ kaa nyɛ hu nyɛɛ le! Ke wa tsɔ atuã, nɛ wa yi Yawɛ anɔkuale ɔ, lɛɛ nyɛɛ gbe wɔ!

Mose I, 12:13

Lɔ ɔ he ɔ, de mɛ ke ye nyɛmiyo ji mo. Ke o de mɛ ja a, o he ɔ, a be mi nɔ́ ko pee, nɛ a maa hyɛ ye nɔ saminya.”

Mose I, 20:13

Lɔ ɔ he ɔ, benɛ Mawu je mi kɛ je ye weku li a he nɛ e ha nɛ i ba ngɛ lalaalo woe kɛ ngɛ nyɛɛe ɔ, i de ye yo ɔ ke, ‘Kpakpa nɛ o maa pee ha mi ji nɛ ɔ nɛ: he tsuaa he nɛ wa maa ya a, de ke o nyɛminyumu ji mi.’ ”

Mose I, 20:16

Lɔ ɔ se ɔ, e de Sara ke, “I kɛ sika hiɔ yi akpe kake ngɛ o nyɛminyumu ɔ hae kaa kpatami dã ngɛ nɔ́ nɛ i pee ɔ he. I pee nɔ́ nɛ ɔ kɛ ngɛ mo nguɔ woe, konɛ nihi tsuo nɛ kɛ mo ngɛ ɔ, a ná nɛ a le kaa o pee we yayami ko.”

La 7:9

Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.